Prezident Shavkat Mirziyoyev Xitoy parlamenti rahbari bilan uchrashdi
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti Shavkat Mirziyoyev 26 aprel kuni Pekinda Butunxitoy xalq vakillari kengashi Doimiy qo‘mitasi raisi Li Chjanshu bilan uchrashdi.
Davlatimiz rahbari "Bir makon, bir yo‘l" ikkinchi xalqaro forumining o‘tkazilishi hamda uning doirasida XXR Raisi Si Szinpin ilgari surgan tashabbuslarning amalga oshirilishi xalqaro va mintaqaviy hamkorlikni rivojlantirishga, keng mintaqamizda do‘stlik, yaxshi qo‘shnichilik va o‘zaro anglashuvni mustahkamlashga xizmat qilishini ta’kidladi.
Kecha Xitoy Xalq Respublikasi Raisi bilan o‘tgan uchrashuvda mamlakatlarimiz hamkorligining yangi istiqbollari belgilab olingani, ular ikki davlat o‘rtasidagi har tomonlama strategik sheriklik munosabatlarini yanada mustahkamlashga xizmat qilishi qayd etildi.
Li Chjanshu mamlakatlarimiz ikki tomonlama munosabatlarda erishgan yuksak darajani katta mamnuniyat bilan qayd etdi.
Keyingi yillarda mamlakatlarimiz o‘rtasidagi savdo-iqtisodiy, investitsiyaviy, moliyaviy, madaniy-gumanitar va ko‘plab boshqa sohalardagi aloqalar yanada faollashgani alohida ta’kidlandi.
O‘zbekiston va Xitoyning qonun chiqaruvchi organlari o‘rtasida hamkorlik borasida ijobiy tajriba to‘plangan. Parlament delegatsiyalarining uchrashuvlari muntazam o‘tkazilib, bu boradagi sheriklik izchil rivojlanib bormoqda.
Uchrashuvda oliy darajada erishilgan kelishuvlar ijrosi ustidan parlament nazoratini kuchaytirish masalalari ko‘rib chiqildi. Bundan tashqari, parlamentlararo muloqot mamlakatlarimiz hamkorligini amaliy mazmun bilan boyitish, yangi dastur va loyihalarni ilgari surishga xizmat qilishi qayd etildi.
Butunxitoy xalq vakillari kengashi Doimiy qo‘mitasi raisi mamlakatlarimiz o‘rtasida erishilgan kelishuvlarni amalga oshirish va keng ko‘lamli sheriklikni yanada rivojlantirishga amaliy hissa qo‘shishga tayyorligini bildirdi.
Li Chjanshu mamlakatimizda yangi bosqichda amalga oshirilayotgan ijtimoiy-iqtisodiy islohotlarni, ularning real natijalari va samaradorligini yuksak baholadi. Uning fikricha, O‘zbekiston Prezidentining siyosati va islohotlari o‘zining miqyosi va maqsadlariga ko‘ra davlatimiz rahbarini Xitoyning buyuk islohotchisi Den Syaopin bilan taqqoslashga to‘liq asos bo‘ladi.
Uchrashuv yakunida parlamentlararo aloqalarni faollashtirish hamda samarali islohot va yangilanishlarni amalga oshirish borasidagi tajribani chuqur o‘rganish maqsadida qo‘shma tadbirlar o‘tkazishga kelishib olindi.
