PREZIDENTIMIZ YENGIL SANOAT LOYIHALARI BILAN TANISHDI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Davlatimiz rahbari Samarqand shahridagi sobiq liftsozlik zavodi hududida tashkil etilgan sanoat majmuasida bo‘lib, viloyatda amalga oshirilayotgan yengil sanoat loyihalari bilan tanishdi.
Shavkat Mirziyoyev viloyatdagi korxonalarida ishlab chiqarilgan yengil sanoat mahsulotlari namunalarini ko‘zdan kechirdi.
Prezidentimizning shu yil 14-15-aprel kunlari viloyatga tashrifi chog‘ida berilgan topshiriqlar asosida 2017-2018-yillarda amalga oshirilishi mo‘ljallangan 19 loyiha bo‘yicha izchil ishlar olib borilayotir.
“Sam Rafoat tekstil”, “8-mart”, “Iman teks”, “Samarqand Yevro Aziya tekstil”, “Amin invest interneyshnl”, “Maroqand sifat” kabi korxonalarda tayyorlanayotgan tikuv-trikotaj mahsulotlari, bo‘yalgan trikotaj mato, kiyim-kechaklar ichki bozordan tashqari eksportga ham yo‘naltirilmoqda. Bu korxonalar salohiyatini oshirish, qo‘shimcha ish o‘rinlari yaratish imkonini berayotir.
Ayni paytda Pastdarg‘om, Samarqand, Bulung‘ur, Oqdaryo tumanlaridagi qator korxonalarda yangi loyihalar ustida ishlar olib borilayotir. Natijada jinsi mato, jinsidan tayyor kiyim-kechak, yangi turdagi vilvet, mebel gazlamalari, aralash va sintetik
matolar ishlab chiqarish hajmi kengayadi.
Prezidentimiz sohada yaratiladigan har bir ishchi o‘rni muhim ekani, bu korxonalar istiqbolini belgilash va aholini doimiy ish bilan ta’minlashda alohida ahamiyat kasb etishini ta’kidladi.
Shu yerda terini qayta ishlash, charm-poyabzal ishlab chiqarish bo‘yicha amalga oshirilayotgan ishlar haqida ham ma’lumot berildi.
Davlatimiz rahbari “Ideal Yelektroluks” O‘zbekiston-Turkiya qo‘shma korxonasida ishlab chiqarilayotgan maishiy texnika jihozlari, “Sino” aksiyadorlik jamiyatida tayyorlanayotgan muzlatkich va sovutkichlarni ko‘zdan kechirib, mahsulotlarni tashqi bozorga yo‘naltirish, eksport imkoniyatlarini oshirish yuzasidan topshiriqlar berdi.
