PUXTA TAYYORGARLIK SAYLOVNING YUKSAK SAVIYADA O‘TISHIGA XIZMAT QILADI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti saylovini o‘tkazuvchi 5-Navoiy saylov okrugida uchastka saylov komissiyalari a’zolarining huquqiy bilimini oshirish, komissiyalar faoliyatini samarali tashkil etish masalalariga bag‘ishlangan seminar-treninglar o‘tkazilmoqda.
O‘zbekiston Respublikasi Markaziy saylov komissiyasi ekspertlari, okrug saylov komissiyasi, Fuqarolik jamiyati shakllanishini monitoring qilish mustaqil instituti viloyat hududiy bo‘linmasi, viloyat adliya boshqarmasi xodimlari ishtirok etayotgan tadbirlarda uchastka saylov komissiyalari a’zolarining vazifasi, saylov uchastkalarini jihozlash kabi masalalar bo‘yicha ma’lumotlar, tushuntirishlar berilmoqda.
– Saylov uchastkalarining siyosiy jarayonga puxta tayyorgarligi ovoz berishning yuksak saviyada o‘tishiga xizmat qiladi, – deydi Markaziy saylov komissiyasi eksperti Shuhrat Fayziyev. – Komissiyalar faoliyatining huquqiy asoslari milliy saylov qonunchiligimizda mustahkamlangan bo‘lib, u saylovlarni demokratik tamoyillar asosida tashkil etish va o‘tkazishning muhim bo‘g‘inidir. Shu bois saylov uchastkalarida fuqarolar uchun zarur sharoit yaratishga alohida e’tibor qaratiladi.
Seminarda uchastka saylov komissiyalarida hujjatlarni yuritish, saylovchilar ro‘yxatini tuzish va unga o‘zgartishlar kiritish, muddatidan oldin hamda saylov kuni ovoz berishni tashkil etish, saylovchilar o‘rtasida saylov qonunchiligini targ‘ib qilish singari muhim vazifalar bo‘yicha tushunchalar berildi. Uchastka saylov komissiyalari a’zolarining huquq va vakolatlari, ommaviy axborot vositalarining saylov jarayoni oshkoraligini ta’minlashdagi roli xususida fikr almashildi.
Bunday seminar-treninglar viloyatning barcha tuman va shaharlarida o‘tkazilmoqda.
O’zA
