QIROL KUBOGI – 2017: BOKSCHILARIMIZ RAQIBLARI USTIDAN G‘ALABA QOZONDI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Boks bo‘yicha O‘zbekiston terma jamoasi a’zolari Tailand poytaxti Bangkok shahrida o‘tkazilayotgan "Qirol kubogi – 2017" xalqaro turnirida muvaffaqiyatli qatnashmoqda.
Vazni 49 kilogrammgacha bo‘lgan charm qo‘lqop ustalari o‘rtasidagi bellashuvlarda Hasanboy Do‘stmatov filippinlik Karlo Paalam ustidan g‘alaba qozondi. Vazni 52 kilogrammgacha bo‘lgan bokschilar o‘rtasida Jasurbek Latipov mezbon sportchi Kritifak Duangnutni yengdi.
Vazni 56 kilogrammgacha bo‘lgan bokschilar bahsida tajribali sportchimiz Shahobiddin Zoirov Xitoy Taypeyi vakili Kao Shin Yyenni mag‘lubiyatga uchratdi. Vazni 60 kilogrammgacha bo‘lgan bokschilar o‘rtasida Murodjon Ahmadaliyev filippinlik Jeyms Palisteni yenggan bo‘lsa, 64 kilogrammgacha vazn toifasidagi sportchilar bellashuvida Elnur Abduraimov turkmanistonlik Zufar Saparbayevga hech qanday imkoniyat qoldirmadi.
Vazni 69 kilogrammgacha bo‘lgan charm qo‘lqop ustalari o‘rtasida ringga chiqqan Shahram G‘iyosov hindistonlik Manoj Kumarni yenggan bo‘lsa, 75 kilogrammgacha vazn toifasidagi bahslarda qatnashayotgan Isroil Madrimov Xitoy taypeyilik Kan Chia Veydan ustun keldi.
O’zA