Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

SAMIMIY QUTLOVLAR

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 26 yilligi O’zbekiston Respublikasi Mustaqilligining 26 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik XMT doirasidagi xamkorlik "Sharq taronalari" xalqaro festivali "Sharq taronalari" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni
hamma resurslarni ko'rsatish
SAMIMIY QUTLOVLAR

Mamlakatimiz mustaqilligining 26-yilligi munosabati bilan O‘zbekiston Respublikasi Prezidenti Shavkat Mirziyoyev nomiga xorijiy davlatlar va hukumatlar, nufuzli xalqaro tashkilotlar rahbarlaridan samimiy qutlovlar kelmoqda. Ularda davlatimiz rahbariga baxt-saodat, omonlik va muvaffaqiyatlar, O‘zbekiston xalqiga tinchlik-osoyishtalik, ravnaq hamda farovonlik tilab, chin dildan ezgu istaklar izhor etilgan.

O‘zbekiston Respublikasi Prezidenti Shavkat Mirziyoyev Janobi Oliylariga

Muhtaram Shavkat Miromonovich!

Sizni O‘zbekiston Respublikasi Mustaqillik kuni bilan chin qalbimdan muborakbod etaman.

O‘zbekistonning iqtisodiy va ijtimoiy taraqqiyotda erishgan muvaffaqiyatlari barchaga ma’lum. O‘zbekiston jahon miqyosida yuksak nufuzga ega mamlakat sifatida xalqaro muhim masalalarni hal etishda alohida o‘rin tutadi.

Davlatlarimiz o‘rtasida strategik sheriklik va ittifoqchilik munosabatlari izchil rivojlanib borayotganini mamnuniyat bilan ta’kidlayman. O‘zaro aloqalarning barcha yo‘nalishlari bo‘yicha hamda Markaziy Osiyoda barqarorlik va xavfsizlikni mustahkamlash yo‘lidagi hamkorlikni yanada rivojlantirish borasidagi ishlarni Siz bilan birgalikda davom ettirishga tayyor ekanimni tasdiqlamoqchiman. Ishonchim komilki, bu Rossiya va O‘zbekiston xalqlarining manfaatlariga to‘la mos keladi.

Sizga, muhtaram Shavkat Miromonovich, chin qalbimdan mustahkam sog‘liq va muvaffaqiyatlar, xalqingizga baxt-saodat va farovonlik tilayman.

Hurmat bilan,

Vladimir Putin,
Rossiya Federatsiyasi Prezidenti

* * *
O‘zbekiston Respublikasi Prezidenti Shavkat Mirziyoyev Janobi Oliylariga

Muhtaram Shavkat Miromonovich!

Sizni Qozog‘iston xalqi va shaxsan o‘z nomimdan O‘zbekiston Respublikasining Milliy bayrami – Mustaqillik kuni munosabati bilan samimiy muborakbod etaman.

O‘zbekiston Respublikasi mustaqillik yillarida milliy davlatchilik asoslarini mustahkamlash, xalq farovonligini yuksaltirish, mamlakatning xalqaro nufuzini oshirish borasida ulkan yutuqlarga erishdi.

Qozog‘iston qardosh O‘zbekiston bilan har tomonlama hamkorlikni mustahkamlashga alohida e’tibor qaratadi. Davlatlarimiz o‘rtasidagi do‘stlik va yaxshi qo‘shnichilik munosabatlari bundan buyon ham o‘zaro ishonch va xalqlarimizning qo‘llab-quvvatlashi asosida izchil rivojlanishda davom etishiga qat’iy ishonaman.

Muhtaram Shavkat Miromonovich, Sizga mamlakat taraqqiyoti yo‘lida davlat rahbari lavozimidagi faoliyatingizda mustahkam sog‘liq, ulkan zafarlar va cheksiz shijoat, qardosh O‘zbekiston xalqiga tinchlik va farovonlik tilayman.

Ezgu tilaklar bilan,

Nursulton Nazarboyev,
Qozog‘iston Respublikasi Prezidenti

* * *
O‘zbekiston Respublikasi Prezidenti Shavkat Mirziyoyev Janobi Oliylariga

Janobi Oliylari!

Sizni va O‘zbekiston xalqini O‘zbekiston Respublikasi mustaqilligining 26-yilligi bilan muborakbod etishga ijozat bergaysiz.

O‘zbekiston Respublikasi mustaqillik yillarida siyosat, diplomatiya, iqtisodiyot, ijtimoiy soha va boshqa yo‘nalishlarda erishgan ulkan muvaffaqiyatlarni ehtirom bilan e’tirof etaman. Siz, Janobi Oliylari, o‘tgan yil dekabr oyida Prezident lavozimiga kirishganingizdan so‘ng faol amalga oshirayotgan siyosiy islohotlar yuksak samaralar berishiga tilakdoshman.

Davlatlarimiz o‘rtasida 1992-yilda o‘zaro diplomatik munosabatlar o‘rnatilganidan so‘ng yuksak ishonch va do‘stlik munosabatlariga asoslangan o‘zaro manfaatli sheriklik aloqalari mustahkamlanib borayotgani meni quvontiradi. Prezident Janoblari, joriy yilda Siz bilan Seulda uchrashib, mamlakatlarimiz o‘rtasidagi do‘stona hamkorlikni yanada yuqori darajaga ko‘tarish uchun zarur bo‘lgan barcha masalalarni muhokama qilib olishimizga umid qilaman.

Prezident Janoblari, Sizga mustahkam sog‘liq, O‘zbekiston Respublikasiga abadiy farovonlik tilayman.

Mun Chje In,
Koreya Respublikasi Prezidenti

* * *
O‘zbekiston Respublikasi Prezidenti Shavkat Mirziyoyev Janobi Oliylariga

Muhtaram Prezident janoblari!

Qadrli qardoshim!

Siz Janobi Oliylarini, Sizning timsolingizda butun o‘zbek xalqini O‘zbekistonning Milliy kuni munosabati bilan muborakbod etishdan bag‘oyat baxtiyorman.

Diplomatik munosabatlarimiz o‘rnatilganining 25-yilligiga to‘g‘ri kelgan 2017-yilda hamkorligimiz sezilarli darajada faollashdi. O‘tgan yil noyabr oyida Samarqanddagi uchrashuvimiz bu jihatdan burilish nuqtasi bo‘lib xizmat qildi va muntazamlik kasb etgan oliy darajadagi muloqotlar orqali munosabatlarimiz barcha sohalarda jadal rivojlanmoqda. Ishonamanki, shu yil oktabr oyida Sizning Turkiyaga amalga oshiradigan tashrifingiz bugungi kundagi munosabatlarimizni yangi bosqichga ko‘tarishda muhim ahamiyat kasb etadi.

Xalqlarimiz o‘rtasidagi qadimiy do‘stlik rishtalari mustahkam poydevor bo‘lgan Turkiya – O‘zbekiston munosabatlarini Siz Janobi Oliylari bilan birga yanada rivojlantirish tarix oldidagi mushtarak mas’uliyatimizdir.

Fursatdan foydalanib, Siz Janobi Oliylariga sihat-salomatlik, baxt-saodat, qardosh o‘zbek xalqiga omonlik va farovonlik tilayman.

Rejep Tayyip Erdo‘g‘on,
Turkiya Respublikasi Prezidenti

* * *
O‘zbekiston Respublikasi Prezidenti Shavkat Mirziyoyev Janobi Oliylariga

Assalomu alaykum va rahmatullohi va barokatuhu

Siz, Janobi Oliylariga mamlakatingiz Mustaqilligi kuni munosabati bilan Saudiya Arabistoni Podshohligi xalqi, hukumati va o‘z nomimdan samimiy tabriklar va ezgu istaklar yo‘llashdan mamnunligimni bildirib, Sizga sihat-salomatlik va baxt-saodat, O‘zbekiston xalqiga yanada yuksalish va farovonlik tilayman.

Janobi Oliylari, salomlarimiz va ehtiromlarimizni qabul qilgaysiz.

Salmon bin Abdulaziz Ol Saud,
Saudiya Arabistoni Podshohi,
Ikki muqaddas masjid xodimi

* * *
O‘zbekiston Respublikasi Prezidenti Shavkat Mirziyoyev Janobi Oliylariga

Sizga, Janobi Oliylari va butun o‘zbek xalqiga O‘zbekiston Respublikasining Mustaqillik bayrami munosabati bilan baxt va farovonlik tilayman.

Filipp,
Belgiyaliklar Qiroli

Shuningdek, quyidagilar o‘z tabriklarini yo‘llagan:

Armaniston Respublikasi Prezidenti Serj Sargsyan

Belarus Respublikasi Prezidenti Aleksandr Lukashenko

Tojikiston Respublikasi Prezidenti Imomali Rahmon

Hindiston Respublikasi Prezidenti Ram Natx Kovind

Saudiya Arabistoni Podshohligi valiahdi, Vazirlar Mahkamasi raisining o‘rinbosari Muhammad bin Salmon bin Abdulaziz Ol Saud

Jazoir Xalq Demokratik Respublikasi Prezidenti Abdulaziz Buteflika

Singapur Respublikasi Prezidenti Toni Tan Keng Yam

Italiya Respublikasi Prezidenti Serjio Mattarella

Polsha Respublikasi Prezidenti Andjey Duda

Qutlovlar kelishi davom etmoqda.

O‘zA