SARVAR OTAMURATOVNING ANDIJON VILOYATI SAYLOVCHILARI BILAN UCHRASHUVI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston “Milliy tiklanish” demokratik partiyasidan O‘zbekiston Respublikasi Prezidentligiga nomzod Sarvar Otamuratov 3-noyabr kuni Andijon viloyati saylovchilari bilan uchrashdi.
Andijon viloyatining barcha tuman va shaharlari saylovchilari bilan videokonferensiya orqali muloqot tarzida bo‘lib o‘tgan uchrashuvni O‘zbekiston "Milliy tiklanish" demokratik partiyasi viloyat kengashi ijroiya qo‘mitasi devoni rahbari H.Omonov ochdi. Prezidentlikka nomzodning ishonchli vakili S.Mamitova yig‘ilganlarni nomzodning tarjimai holi bilan tanishtirdi.
Uchrashuvda Prezidentlikka nomzod S.Otamuratov o‘z nutqida saylovoldi dasturida ilgari surilgan asosiy yo‘nalishlar haqida so‘zladi.
Nomzod O‘zbekiston “Milliy tiklanish” demokratik partiyasining maqsadi – milliy tiklanishdan milliy yuksalishga erishish g‘oyasini amalga oshirish, iqtisodiyotimizning barqaror rivojlanishini ta’minlash, xalqimiz farovonligini oshirish, mamlakatimizdagi tinchlik va osoyishtalikni yanada mustahkamlash, O‘zbekiston xalqining milliy-madaniy va ma’naviy-axloqiy qadriyatlari, urf-odatlarini asrash va boyitish, tashqi siyosatda milliy manfaatlarni himoyalash ekanini ta’kidladi.
Dasturda milliy o‘zlikni anglash, milliy g‘urur va qadr-qimmat tuyg‘usini mustahkamlash, milliy iqtisodiyotni rivojlantirish, aholi turmush sifati, darajasi va farovonligini oshirish bo‘yicha davlat dasturlari qabul qilish hamda kompleks chora-tadbirlar ishlab chiqish belgilangan. Milliy bozorni sifati past, xalqaro andozalarga mos kelmaydigan mahsulotlardan muhofaza qilish, qulay sarmoyaviy muhitni shakllantirishning huquqiy asoslarini kuchaytirish, davlat kompaniyalari va davlat ulushi ustunlik qiladigan korxonalarning moliya-xo‘jalik faoliyati ochiqligini ta’minlash orqali ular samaradorligini oshirish, ichki xususiy investitsiyalarni milliy iqtisodiyotga yo‘naltirishni yanada kengaytirishni har tomonlama qo‘llab-quvvatlash ustuvor vazifa sifatida qayd etilgan.
Prezidentlikka nomzod qadimiy va boy tarixga ega bo‘lgan, mustaqillik tufayli qadr-qimmati tiklangan o‘zbek tilining davlat tili sifatidagi maqomini yanada mustahkamlash va uning to‘la amal qilinishiga erishish, til madaniyatini yanada yuksaltirishga yo‘naltirilgan chora-tadbirlar majmuasini ishlab chiqish zarurligini alohida ta’kidladi.
Uchrashuvda Bo‘z tumanidagi 1-umumta’lim maktabi direktori Yu.Azimova, Andijon bank kolleji direktori o‘rinbosari K.Zaynobiddinov, xalq deputatlari Shahrixon tumani Kengashi deputati B.Mahmudov va boshqalar so‘zga chiqdi. Nomzod ilgari surayotgan takliflar milliy-madaniy hayotimizda muhim ahamiyat kasb etishini ta’kidladi. Saylovchilarni 4-dekabrda o‘tkaziladigan O‘zbekiston Respublikasi Prezidenti saylovida faol ishtirok etishga chaqirdi.
O’zA
