SARVAR OTAMURATOVNING SIRDARYO VILOYATI SAYLOVCHILARI BILAN UCHRASHUVI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston “Milliy tiklanish” demokratik partiyasidan O‘zbekiston Respublikasi Prezidentligiga nomzod Sarvar Otamuratov 11-noyabr kuni Sirdaryo viloyati saylovchilari bilan uchrashdi.
Videokonferensiya shaklida tashkil etilgan uchrashuvni xalq deputatlari Guliston shahar Kengashi deputati J.Komilov ochdi. Nomzodning ishonchli vakili N.Soatov yig‘ilganlarni Sarvar Otamuratovning tarjimai holi bilan tanishtirdi.
O‘zbekiston Respublikasi Prezidentligiga nomzod Sarvar Otamuratov o‘z saylovoldi dasturi yuzasidan nutq so‘zladi.
Dasturda yurtimizdagi tinchlik va osoyishtalikni mustahkamlash, ijtimoiy-iqtisodiy sohalarni barqaror rivojlantirish, xalqimiz farovonligini izchil yuksaltirish, Vatanimizning rivojlangan davlatlar qatoridan joy olishi yo‘lidagi ezgu maqsadlarni ro‘yobga chiqarish bo‘yicha ustuvor vazifalar belgilangan.
O‘zligini anglagan, qadriyat va an’analarini e’zozlagan, tarixiy xotirasini asragan xalq iqtisodiy, ijtimoiy va gumanitar taraqqiyotga yuz tutadi. Mamlakatimizda bu borada erishilgan yutuqlarni mustahkamlash va amalga oshirilayotgan islohotlarni yanada chuqurlashtirish eng muhim vazifa. Partiyamiz milliy o‘zlikni anglash, milliy g‘urur va qadr-qimmat tuyg‘usini mustahkamlash masalalariga ustuvor ahamiyat bergan va bundan buyon ham ushbu hayotiy masalalar doimo e’tiborda bo‘ladi, deb qayd etdi Sarvar Otamuratov.
Dasturda millat genofondini asrash va sog‘lom avlodni voyaga yetkazish, oziq-ovqat xavfsizligini ta’minlash, genlarni modifikatsiya qilish usulidan foydalanishni cheklash, erta turmush va yaqin qarindoshlar o‘rtasidagi nikohning oldini olish borasida aniq va ta’sirchan choralar ko‘rish, bu boradagi targ‘ibоt-tushuntirish ishlari, jamoatchilik nazoratini kuchaytirish, oila va oilaviy qadriyatlarni mustahkamlash, yosh oilalarga g‘amxo‘rlikni oshirish bo‘yicha ishlarni izchil davom ettirish masalalariga alohida e’tibor qaratilgan.
Uchrashuvda Guliston davlat universiteti kafedra mudiri A.Yo‘ldoshev, Guliston shahridagi 17-maktabgacha ta’lim muassasasi mudirasi B.Alimova, Mirzaobod tumanidagi 29-umumta’lim maktabi direktori O‘.Gadoyev, Agrosanoat majmui xodimlari kasaba uyushmasi Sirdaryo tumani kengashi raisi B.Isayev va boshqalar nomzodning dasturi haqida fikr bildirdi. Saylovchilarni 2016-yil 4-dekabr kuni bo‘lib o‘tadigan O‘zbekiston Respublikasi Prezidenti saylovida faol ishtirok etishga chaqirdi.
O’zA
