SARVAR OTAMURATOVNING TOSHKENT VILOYATI SAYLOVCHILARI BILAN UCHRASHUVI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston “Milliy tiklanish” demokratik partiyasidan O‘zbekiston Respublikasi Prezidentligiga nomzod Sarvar Otamuratov 18-noyabr kuni Toshkent viloyati saylovchilari bilan uchrashdi.
Videokonferensiya tarzida tashkil etilgan uchrashuvni xalq deputatlari Toshkent viloyati Kengashidagi O‘zbekiston “Milliy tiklanish” demokratik partiyasi guruhi rahbari A.Saydullayev ochdi. Prezidentlikka nomzodning ishonchli vakili Sh.Nasimov yig‘ilganlarni nomzodning tarjimai holi bilan tanishtirdi.
O‘zbekiston Respublikasi Prezidentligiga nomzod Sarvar Otamuratov o‘zining saylovoldi dasturi yuzasidan nutq so‘zladi.
Toshkent viloyati mamlakatimizning sanoati jadal taraqqiy etayotgan hududlaridan. "O‘zbekiston metallurgiya kombinati", "Olmaliq kon-metallurgiya kombinati", "Ohangaronsement", "Ohangaronshifer", "Maksam-Chirchiq" kabi aksiyadorlik jamiyatlari, Yangi Angren, Toshkent issiqlik elektr stansiyalari va boshqa yirik sanoat korxonalari mamlakatimiz iqtisodiy taraqqiyotida muhim o‘rin tutadi. Yurtimizda ishlab chiqarilayotgan sanoat mahsulotlarining 15 foizdan ortig‘i, eksportning 14 foizi ushbu viloyat hissasiga to‘g‘ri kelmoqda.
Dasturda tarixiy, madaniy, boy ma’naviy-axloqiy qadriyatlar va an’analar asosida jamiyatda yuksak huquqiy va siyosiy madaniyatni mustahkamlash hamda ma’naviy yuksalishga erishish masalalariga ustuvor ahamiyat qaratilgan. Nomzod “Xalqning ma’naviy-ruhiy tiklanishi – iqtisodiy islohotlarning negizidir” tamoyili asosida Vatanimiz taraqqiyoti va xalqimiz farovonligi oshishida iqtisodiyot hal qiluvchi ahamiyatga ega, deb hisoblaydi.
Ishlab chiqarishga yo‘naltirilmagan xarajatlarni qisqartirish, mahalliy sanoat samaradorligini yanada oshirishning huquqiy asoslarini izchil takomillashtirish, import o‘rnini bosadigan mahsulotlar ishlab chiqarayotgan mahalliy ishlab chiqaruvchilarni samarali qo‘llab-quvvatlash orqali milliy bozorni sifati past, xalqaro andozalarga mos kelmaydigan mahsulotlardan muhofaza qilish, zamonaviy bilim va malakaga ega muhandis-texnik, moliya-iqtisod, korporativ boshqaruv menejmentlari, axborot texnologiyalari sohasida dasturchilar tayyorlashni tubdan yaxshilash kabi vazifalar ilgari surilgan.
Milliy manfaatlarni himoyalash va ilgari surish, barqaror milliy rivojlanishni ta’minlash, yuksak ma’naviy-intellektual taraqqiyotga erishish uchun mamlakatni modernizatsiya qilish, xususan, milliy axborot tizimlari va milliy axborot resurslarini rivojlantirishga alohida e’tibor qaratilgan.
Uchrashuvda “Hunarmand” uyushmasi Olmaliq shahar bo‘limi raisi M.O‘lmasova, mehnat faxriysi N.Jo‘raboyev, O‘zbekiston Qizil yarim oy jamiyati viloyat bo‘limi rahbari N.Qoraboyeva, O‘zbekiston “Milliy tiklanish” demokratik partiyasi Chinoz tumani kengashi raisi Sh.Nizomiddinov nomzodning dasturi va unda belgilangan vazifalar xususida fikr bildirdi. Saylovchilarni 2016-yil 4-dekabr kuni bo‘lib o‘tadigan O‘zbekiston Respublikasi Prezidenti saylovida faol ishtirok etishga chaqirdi.
O’zA
