SHANXAY XALQARO TADQIQOTLAR UNIVERSITETIDA O’ZBEK TILI KAFEDRASI OCHILDI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Shanxay xalqaro tadqiqotlar universiteti veb-portalida mazkur oliygohda o’zbek tili kafedrasining tantanali ochilish marosimiga bag’ishlangan maqola chop etildi.
Maqolada kafedrani tashkil etishdan asosiy maqsad ikkitomonlama madaniy-gumanitar aloqalarni rivojlantirish va mintaqashunoslik sohasidagi tadqiqotlarga ko’maklashish ekanligi ta’kidlangan. Loyiha joriy yilning may oyida mamlakatimizga tashrif buyurgan Xitoy oliy o’quv yurti delegatsiyasi bilan erishilgan kelishuvlar doirasida amalga oshirildi.
“O’zbekiston chuqur tarix va ajoyib milliy urf odatlarga boy davlatlardan biridir. O’zbek tilini o’rganish esa xitoylik talabalar uchun mamlakat va Markaziy Osiyoning qadimiy tarixini yanada yaxshiroq tushunishlariga yordam beradi”, - deb yozmoqda manba.
Nashrda Xitoy va O’zbekiston tomoni ikkitomonlama strategik sherikchilik munosabarlarini olg’a rivojlanitirish barobarida o’zaro ta’lim va gumanitar almashinuv sohasidagi hamkorlikni yanada mustahkamlashga tayyor ekanliklari alohida ta’kidlab o’tilgan. Mazkur jarayonda universitetda tashkil etilgan o’zbek tili kafedrasi muhim ahamiyat kasb etishi e’tirof etilgan.
“Tantanali marosimdan so’ng kafedraning ilk maruzasi tashkil qilindi. Shanxay oliy o’quv yurtida “O’zbek tili” o’quv fani umumiy fakultativ fan sifatida barcha talaba va o’qituvchilar uchun ochiqdir”, - deya xulosa qilinadi maqolada.
“Jahon” AA, Shanxay