SHAVKAT MIRZIYOYEV - UZOQNI KO’RADIGAN YETAKCHI

Avval xabar qilinganidek, O’zbekiston Prezidenti Shavkat Mirziyoyevning Oliy Majlis Senati va Qonunchilik palatasiga Murojaatnomasi xorijiy mamlakatlarning ekspert-tahlil doiralari o’rtasida ham katta aks-sado berdi.

Masalan, mamlakatimiz rahbarining mazkur nutqi haqidagi fikr-mulohazalarini o’rtoqlashar ekan, Srinakharinwirot univetsiteti (Tailand) siyosiy fanlar kafedrasi mudiri Manoch Ari quyidagilarni bayon etdi:

— O’zbekiston rahbari o’z murojaatida yakunlanayotgan yilda amalga oshirilgan ishlar haqida batafsil to’xtaldi. Shuni aytishim mumkinki, o’zbek xalqi o’z yetakchisi bilan faxrlansa arziydi. Chunki Shavkat Mirziyoyev - uzoqni ko’radigan rahbar, zamonaviy qarashlarga hamda tafakkurga ega bo’lgan, aniq maqsad sari intiladigan yetakchi. Prezidentning dolzarb iqtisodiy vazifalar bilan bir qatorda yoshlar tarbiyasiga, ta’lim va innovatsiya sohalari rivojlanishiga ustuvor masala sifatida qarayotgani ham bu fikrni tasdiqlaydi.

Ma’lumki, korrupsiya butun dunyoda dolzarb muammo hisoblanadi. Shavkat Mirziyoyev bu illatga qarshi kurash boshlagani menda katta taassurot qoldirdi. Mamlakatda bir yil ichida bu yo’nalishda ko’p ishlar hayotga tadbiq etilgan bo’lsa-da, davlatdagi barqarorlik hamda osoyishtalik saqlanib qolgani katta e’tibor va hurmatga sazovor ekanligini alohida qayd etish kerak, deb o’ylayman.

O’zbekiston Prezidentining o’z xalqi haqida qayg’urayotgani hyech kimni befarq qoldirmaydi. Davlat rahbari muammo va takliflari bilan o’ziga murojaat etishlarini so’ragani ham uning xalq bilan hamnafas bo’lishga intilayotganidan dalolatdir. Kelgusi yil uchun davlat byudjetini qabul qilish borasida yetakchining o’z xalqi oldidagi mas’uliyatini his etishi va teran anglashi diqqatga hamda hurmatga sazovor.

O’ylaymanki, Shavkat Mirziyoyev respublikaning mintaqadagi o’rni va imkoniyatlarini yaxshi tushungan holda ichki siyosatda bo’lgani singari tashqi siyosatda ham to’g’ri yo’ldan bormoqda.

“Jahon” AA, Bangkok