SHRI PRAKASH: “O’ZBEKISTON - JAHONNING BARQAROR RIVOJLANAYOTGAN DAVLATLARIDAN BIRI”

Mamlakatmiz Mustaqilligining 24 yillik bayrami arafasida Hindistonning taniqli ijtimoimy-siyosiy va ilmiy-akademik doiralari vakillari ham xalqimizning eng ulug’ bayrami munosabati bilan o’z tabriklarini yo’llashmoqda. Ularda mamlakatimiz bosib o’tgan mustaqilllik yo’li haqidagi fikr-mulohazalar ham o’z ifodasini topgan.

Hindistondagi Jamiya Milliya Islomiya universitetining Xalqaro Tadqiqotlar akademiyasi direktori, professor Shri Prakash:

— Suveren rivojlanish yillari mobaynida O’zbekistonda ulkan ijobiy o’zgarishlar yuz berdi. Mamlakatda keng ko’lamli bunyodkorlik ishlari amalga oshirildi. O’zbekiston siyosiy, iqtisodiy va ijtimoiy jabhalarda, shuningdek, ilm-fan, madaniyat, ta’lim, axborot-kommunikatsiya texnologiyalari va boshqa qator sohalarda kattadan-katta muvafaqqiyatlarni qo’lga kiritdi. Bugungi erishilgan yutuqlar Prezident Islom Karimov tomonidan ishlab chiqilgan taraqqiyotning “o’zbek modeli”ni izchil ravishda hayotga tatbiq etishning natijasi, deb hisoblayman.

O’zbekiston bugungi kunda dunyoning barqaror rivojlanib borayotgan davlatlari qatoriga kiradi. Bunga bir necha yillar davomida mamlakat yalpi ichki mahsulotining o’sish surati 8 foizdan kam bo’lmayotgani hamda aholi yashash darajasi va sifatining yildan-yilga oshib borayotganini yaqqol misol sifatida keltirish mumkin. Shu o’rinda O’zbekistonda har yangi yilni aniq bir ijtimoiy sohaga bag’ishlash an’anaga aylanib qolganini alohida ta’kidlashni istar edim. 2015-yil mamlakatda “Keksalarni e’zozlash yili” deb e’lon qilindi va bu yo’nalishdagi tegishli Davlat dasturi qabul qilindi. Yil boshidan buyon mazkur dastur doirasida ishlab chiqilgan chora-tadbirlarni amalga oshirish uchun 1,5 trillion so’m va 37,4 million AQSh dollari miqdorida mablag’ sarflangani e’tirofga loyiq dalil.

O’zbekistonda ta’lim sohasiga qaratilayotgan yuksak e’tibor ham maqtovga sazovordir. Sog’lom va barkamol avlodni tarbiyalash, yoshlarning zamonaviy bilim va kasbga ega bo’lishlari hamda o’zlarining iqtidor va salohiyatlarini namoyish etishlari uchun barcha sharoitlar yaratib berilgan.

Fursatdan foydalanib, do’st o’zbekistonliklarni mamlakat Mustaqilligi bayrami bilan chin yurakdan qutlayman, ularga mustahkam tinchlik, cheksiz baxtu iqbol va farovonlik tilayman.

“Jahon” AA, Dehli