TINCHLIK VA BARQARORLIKNING MUHIM OMILI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
“Ijtimoiy fikr” jamoatchilik fikrini o‘rganish markazi mamlakatimizda millatlararo munosabatlar va uning rivojlanish tendensiyalari, jamiyatimizda tinchlik, barqarorlik, totuvlik va hamjihatlikni mustahkamlashga xizmat qilayotgan omillarga bag‘ishlangan ijtimoiy so‘rov o‘tkazdi.
1999-yildan 2015-yilga qadar o‘tkazilgan shunday ijtimoiy so‘rovlar natijalari mamlakatimizda hukm surayotgan tinchlik-osoyishtalik va barqarorlik, jamiyatimizda qaror topgan millatlararo totuvlik mustaqilligimizning eng muhim yutuqlaridan biri ekanidan dalolat beradi. Xususan, 1999-yilda o‘tkazilgan so‘rovda ishtirokchilarning 97,1, 2013-yildagi so‘rov qatnashchilarining 98,6 va joriy yilda tashkil qilingan so‘rovda ishtirok etganlarning 99,6 foizi shunday fikr bildirgan. Ularning ta’kidlashicha, Prezidentimiz tomonidan uzoqni ko‘zlab yuritilayotgan oqilona siyosat, davlatning o‘z fuqarolariga g‘amxo‘rlik ko‘rsatayotgani, ijtimoiy-siyosiy va sotsial-iqtisodiy sohalardagi barqarorlik, etnik va diniy bag‘rikenglik millatlar hamda fuqarolar totuvligining muhim omillaridir.
“O‘zbekiston fuqarosi ekaningizdan qalbingizda qanday tuyg‘ular kechadi?” degan savolga so‘ralganlarning aksariyati «Faxrlanish», deb javob bergan. Bu ko‘rsatkichning yildan yilga o‘sib borayotgani diqqatga sazovordir. Masalan, 2013-yilda so‘rov qatnashchilarining 68,5 foizi, 2010-yilda 76,8, 2015-yilda esa 89,5 foizi shunday fikr bildirgan.
Tadqiqot ishtirokchilari (98,5 foizi) fuqarolarning O‘zbekiston Respublikasi Konstitutsiyasida mustahkamlangan huquq va erkinliklariga rioya etilayotganini yuqori baholaydi. Shunisi e’tiborliki, barcha yosh guruhlari vakillari O‘zbekiston fuqarosi ekanidan faxrlanadi va ushbu ko‘rsatkich o‘tkazilgan ko‘plab so‘rovlar davomida o‘zgarmasdan kelmoqda.
Ijtimoiy tadqiqot davomida mamlakatimizda millatlararo munosabatlar barqarorligini ta’minlashda Respublika Baynalmilal madaniyat markazi va milliy madaniyat markazlari muhim o‘rin tutayotgani ta’kidlandi. «Ijtimoiy fikr» markazi tomonidan aholi o‘rtasida ko‘p yillardan buyon o‘tkazib kelinayotgan so‘rovlar millatlararo totuvlikning barqarorligi millatlararo munosabatlarning muhim jihati ekanini tasdiqlash imkonini beradi. Mamlakatimizda yashayotgan barcha millat va elat vakillari shu fikrni qo‘llab-quvvatlaydi. 2003-yilda so‘rov qatnashchilarining 80,1 foizi, 2008-yilda 83,7, 2015-yilda esa 94,8 foizi O‘zbekistonda millatlararo munosabat «juda yaxshi» va «yaxshi» deb baholagan.
So‘rov natijalari shundan dalolat beradiki, mamlakatimiz fuqarolari kelajakda millatlararo munosabatlar bundan ham mustahkamlanishiga ishonadi. Ishtirokchilar mamlakatimizdagi ijtimoiy-siyosiy vaziyatni barqaror, jamiyatimizda tinchlik va fuqarolar totuvligi hukm surayotganini ijobiy, deb baholamoqda.
Muxtasar aytganda, mazkur ijtimoiy tadqiqot aholining 24-yillik mustaqil taraqqiyotimiz davomida jamiyatimizda qaror topgan tinchlik, barqarorlik, millatlar va fuqarolararo totuvlikni yuqori baholashidan dalolat beradi. Ular Prezidentimiz rahnamoligida amalga oshirilayotgan oqilona va samarali milliy siyosat buning asosiy kafolati, deb biladi.
