Тошкентда Марказий Осиё давлатларининг Афғонистон бўйича махсус вакилларининг илк учрашуви бўлиб ўтди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон ташаббуси билан бугун Марказий Осиё давлатларининг Афғонистон бўйича махсус вакилларининг илк учрашуви бўлиб ўтди, деб хабар қилмоқда "Дунё" АА мухбири.
ТИВ маълумотига кўра, мажлисда Ўзбекистон, Қозоғистон, Қирғизистон ва Тожикистон вакиллари иштирок этишди. Иштирокчилар 2024 йил 9 август куни Остона шаҳрида ўтган Марказий Осиё давлатлари раҳбарларининг олтинчи Маслаҳат учрашуви якунлари бўйича Қабул қилинган Қўшма баёнот ҳамда 2025-2027 йилларга мўлжалланган Минтақавий ҳамкорликни ривожлантириш бўйича Йўл харитасига таянган ҳолда, Афғонистон масалалари бўйича махсус вакиллар даражасида Контакт гуруҳини ташкил этишнинг долзарблиги ва ўз вақтида ташаббус сифатида илгари сурилганини таъкидладилар.
Ушбу гуруҳ Марказий Осиё мамлакатлари учун умумий қизиқиш уйғотувчи масалалар юзасидан мунтазам ва мақсадли мулоқот олиб борувчи мустақил минтақавий платформа сифатида қаралмоқда.
Учрашувда Марказий Осиё ва Афғонистоннинг геостратегик ўрни, тарихий жиҳатдан боғлиқ маданий ва иқтисодий макон, шунингдек, Евроосиёда барқарорлик, хавфсизлик ва барқарор ривожланишни таъминлашга бўлган умумий манфаатлар инобатга олиниб, Афғонистон масаласига мустақил ёндашувни ривожлантириш муҳимлиги таъкидланди.
Томонлар Афғонистондаги вазият бўйича умумий, мувозанатли ва реалистик ёндашувларни ишлаб чиқишга интилишларини тасдиқладилар. Марказий Осиё ва Афғонистон ўртасидаги савдо-иқтисодий, транспорт-логистика ҳамда маданий-гуманитар алоқаларни тиклаш ва ривожлантириш зарурлиги қайд этилди.
Марказий Осиё давлатлари вакиллари минтақа мамлакатларининг миллий манфаатлари ва устувор йўналишларини инобатга олган ҳолда Афғонистоннинг ҳозирги амалдаги ҳокимияти билан ҳамкорлик масалалари юзасидан фикр алмашдилар ҳамда минтақавий хавфсизлик соҳасида ҳамкорликни кенгайтиришга қизиқиш билдирдилар. Бунга трансчегаравий жиноятчилик, экстремизм ва терроризмга, шунингдек, наркотик моддалар савдосига қарши кураш ҳам киради.
Томонлар Афғонистоннинг Барқарор ривожланиш мақсадларига эришиш бўйича минтақавий саъй-ҳаракатлардаги ўрнини қайд этдилар.
Контакт гуруҳининг афғон масаласи юзасидан фикр алмашиш, маслаҳатлашувлар ўтказиш ва саъй-ҳаракатларни мувофиқлаштириш учун платформа сифатида барқарор фаолият юритишини таъминлаш муҳимлигига эътибор қаратиб, мазкур форматда, жумладан, Марказий Осиё давлатлари раҳбарларининг Консультатив учрашувлари доирасида мунтазам учрашувларни ўтказиш мақсадга мувофиқлиги ҳақида келишиб олдилар.
Томонлар Контакт гуруҳининг келгусидаги фаолияти Марказий Осиё давлатларининг Афғонистон бўйича минтақавий кун тартибини шакллантиришда мустақил ва масъулиятли ролини мустаҳкамлашга, шунингдек, бутун макрорегионнинг барқарор ривожланишига хизмат қилишини алоҳида таъкидладилар.
