TOSHKENTDA QISHLOQ XO’JALIGI SOHASIDAGI O’ZBEKISTON-GERMANIYA QO’SHMA LOYIHASI YAKUNLARI SARHISOBI BO’LIB O’TDI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Toshkent shahridagi Turin politexnika universiteti texnoparkida “Markaziy Osiyoda qishloq xo’jaligi uskunalariga xizmat ko’rsatish va qishloq xo’jaligi konsalting tizimlarini yaratish”mavzuida yakuniy tadbir bo’lib o’tdi. Tadbir Germaniya Xalqaro hamkorlik uyushmasi va “Claas”, “Lemken”, “Basf”, “KWS Saat” kompaniyalari ko’magida tashkill qilindi.
Tadbirda Germaniya Federativ Respublikasining O’zbekistondagi elchisi Naytxart Xyofer-Vissing, O’zbekiston qishloq xo’jaligi vazirligi, “O’zqishloqmashlizing” aksiyadorlik kompaniyasi, yuqorida sanab o’tilgan korxona vakillari hamda loyihaga jalb etilgan fermer xo’jaliklari ishtirok etishdi.
Tashkilotchilarning ma’lum qilishicha, mintaqaviy loyihaga 5 yil vaqt sarflangan bo’lib, budjeti 2,5 mln yevroni tashkil etadi.
Tadbir davomida birgalikda erishilgan yutuqlar e’tirof etildi. Shu bilan birgalikda, respublika hududlarida agrar soha faoliyati uchun konsalting markazlari tashkil etilganligi va shu asosida oliy toifali mutaxassislar fermer xo’jaliklarini moderinizatsiya qilish, qishloq xo’jaligi mahsulotlarini ishlab chiqaruvchilarga yer maydonlaridan samarali foydalanish bo’yicha kerakli maslahatlar berib kelayotganliklari ta’kidlab o’tildi.
Shuningdek, texnik uskunalarga xizmat ko’rsatuvchi va ta’mirlovchi servis markazlar yaratilgani haqida to’xtalib o’tildi.
Ishtirokchilar loyiha doirasida yangi ish o’rinlari yaratilganligi, qishloq aholisi yashash sharoiti va qishloq xo’jaligining texnik holati yaxshilanganligi ta’kidlab o’tdilar.
Tadbir so’ngida tomonlar qishloq xo’jaligi sohasida O’zbekiston va Germaniya hamkorligi yanada rivojlanishiga ishonch bildirdilar.
“Jahon” AA