Туркманистон Президенти Ўзбекистон Республикаси Миллий саноат кўргазмаси икки томонлама савдо-иқтисодий алоқаларни янада кенгайтиришга хизмат қилишини таъкидлади
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Туркманистоннинг TDH aгентлиги Президент Гурбангули Бердимуҳамедов Ашхободда очилган Ўзбекистон Республикаси Миллий саноат кўргазмаси иштирокчиларига табрик йўллагани ҳақида хабар қилди.
Туркманистон раҳбари Ўзбекистон вакилларини Ашхободда илк марта ташкил этилаётган кенг кўламли форумнинг очилиши билан табриклади. У мазкур кўргазма икки мамлакат ўртасида савдо-иқтисодий ҳамкорлик ва ишбилармонлик алоқаларини ривожлантиришда катта аҳамиятга эга бўлишига ишонч билдирди.
Гурбангули Бердимуҳамедов Ўзбекистон Республикаси Миллий саноат кўргазмаси "Туркманистон – Буюк Ипак йўли юраги" деб номланган йилда ўтказилаётгани чуқур рамзий маънога эга эканини таъкидлади. Унинг сўзларига кўра, халқларимиз азалдан халқаро савдо ва иқтисодий алоқаларни йўлга қўйиш ва жадал ривожлантиришда муҳим роль ўйнаган.
"Кўп томонлама Туркманистон – Ўзбекистон алоқаларининг мустаҳкамланиб бораётгани дўстлик ва қардошлик тамойиллари асосида асрлар давомида синовдан ўтган савдо-иқтисодий ҳамкорликнинг сифат жиҳатдан янги босқичга кўтарилганидан далолатдир", деди Туркманистон раҳбари.
Гурбангули Бердимуҳамедов Ўзбекистоннинг юксак илмий ва ишлаб чиқариш салоҳиятини намойиш этаётган кўргазма мамлакатларимиз ўртасидаги савдо-иқтисодий ҳамкорликни янада мустаҳкамлаш ва кенгайтиришга хизмат қилишини таъкидлади.
"Ўзбекистон Республикаси Миллий саноат кўргазмаси давлатларимиз истеъмол бозорига маҳсулот ва хизматларни жалб этишда, ҳамкорликда фаолият юритишга қизиқиш билдираётган Ўзбекистон компаниялари билан алоқаларни кенгайтиришда муҳим аҳамиятга эга. Ишончим комилки, мазкур кўргазма икки томонлама савдо-иқтисодий алоқаларни янада ривожлантириш, туркманистонлик ва ўзбекистонлик тадбиркорларнинг ўзаро ҳамкорлигини янги босқичга олиб чиқиш, товар айирбошлаш ҳажмини ошириш, Ўзбекистон компаниялари ва инвесторлари билан ишбилармонлик алоқаларини йўлга қўйиш, миллий иқтисодиётга хорижий инвестицияларни кенг жалб этишда муҳим аҳамиятга эга бўлади", дейилади Туркманистон Президентининг табригида.
