UCHASTKA SAYLOV KOMISSIYASI A’ZOLARI ISH BOSHLADI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti saylovini o‘tkazuvchi 10-Toshkent viloyati okrug saylov komissiyasining navbatdagi majlisi bo‘lib o‘tdi.
Okrug saylov komissiyasi a’zolari, okrug saylov komissiyasi matbuot markazi xodimlari va jurnalistlar ishtirok etgan majlisda 10-Toshkent viloyati okrugi hududidagi uchastka saylov komissiyalari a’zolarining tarkibini tasdiqlash masalasi ko‘rib chiqildi.
Viloyatda tashkil etilgan 875 saylov uchastkasida 1 million 943 ming 289 saylovchining ovoz berishi kutilmoqda. Uchastka saylov komissiyalari va ovoz berish binolarining manzili, saylov uchastkasining chegarasi to‘g‘risidagi ma’lumotlar matbuotda e’lon qilindi. Saylov uchastkalari davlat ramzlari, zamonaviy axborot-kommunikatsiya texnologiyalari, mebel va zarur adabiyotlar bilan ta’minlandi. Saylov qonunchiligiga oid ma’lumotlar, saylovchilar huquq va majburiyatlari to‘g‘risidagi targ‘ibоt vositalari ko‘rinarli joyga osib qo‘yilishiga e’tibor qaratildi.
Xalq deputatlari tuman va shahar Kengashlari sessiyalarida “O‘zbekiston Respublikasi Prezidenti saylovi to‘g‘risida”gi qonun talablariga muvofiq saylov uchastkalari komissiyalari tarkibiga nomzodlar tavsiya etildi. Nomzodlar orasida pedagoglar, korxona va tashkilotlar rahbarlari, fuqarolarning o‘zini o‘zi boshqarish organlari vakillari ko‘pchilikni tashkil etadi.
– Uchastka saylov komissiyalari raisi, uning o‘rinbosari, kotibi va a’zolari uchun ko‘rsatilgan nomzodlar tarkibining 52 foizdan ortig‘i ayollardir, – deydi 10-Toshkent viloyati okrug saylov komissiyasi raisi H.Hamidov. – Nomzodlarning 68 foizdan ortig‘i ilgari uchastka saylov komissiyalari tarkibida faoliyat ko‘rsatgan. Bu muhim siyosiy tadbirning yuksak saviyada o‘tishini ta’minlovchi omillardan biri bo‘lib xizmat qiladi.
Yig‘ilishda ko‘rilgan masalalar bo‘yicha tegishli qarorlar qabul qilindi.
Ommaviy axborot vositalari xodimlari uchun brifing tashkil etildi. Unda 875 uchastka saylov komissiyasiga 8 ming 173 a’zo tarkibi tasdiqlangani hamda viloyatda saylovni o‘tkazishga tayyorgarlik ishlarining borishi haqida atroflicha ma’lumot berildi.
O’zA
