UKRAINA KORXONALARI BILAN HAMKORLIKNI KENGAYTIRISH YO’LIDA
















Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28

Kiyevda O’zbekiston hamda “Ukraina mashinasozlari va ish beruvchilari ligasi”ning “Ukrmashstroy” uyushmasi birlashtirgan korxonalar vakillarining uchrashuvi bo’lib o’tdi.
Tadbir qatnashchilari O’zbekistondagi investitsiya muhiti, jumladan, faoliyat ko’rsatib kelayotgan va yangi tashkil etilgan erkin iqtisodiy zonalarda sarmoyaviy faoliyat uchun yaratilgan sharoitlar bilan tanishdilar. Ukraina ishbilarmon doiralari vakillarining e’tiboriga shuningdek, “Xalq bilan muloqot va inson manfaatlari yili” davlat dasturi hamda 2017-2021 yillarda O’zbekiston Respublikasini rivojlantirishning beshta ustuvor yo’nalishi bo’yicha Harakatlar strategiyasining asosiy mazmuniga oid ma’lumotlar havola etildi.
Shu bilan birga, joriy yilning 31-may - 3-iyun kunlari Toshkent shahrida bo’lib o’tadigan “Uzbekistan Agrominitech Expo-2017” xalqaro ixtisoslashtirilgan ko’rgazmasining taqdimoti o’tkazildi. “Ukrmashstroy” uyushmasi va unga a’zo korxonalar vakillari ko’rgazma ishida qatnashish istagini bildirdilar va qo’shma loyihalarni tashkil etish uchun sarmoyaviy takliflar ro’yxatini shakllantirishga tayyor ekanliklarini bayon etdilar.
Uchrashuv yakunida “Jahon” axborot agentligi muxbiri “Ukrmashstroy” uyushmasi kengashi raisi Vladimir Sachenko bilan suhbatlashdi.
— Bugun O’zbekistonda aholi turmush darajasini sifat jihatidan yanada yaxshilashga, ilm-fan va ishlab chiqarishni integratsiya qilishga, iqtisodiyotni modernizatsiyalashni jadallashtirish va uning raqobatbardoshligini oshirishga katta e’tibor qaratilmoqda, - dedi V.Sachenko. - Shu maqsadda xorijiy sheriklar bilan savdo, sarmoyaviy, texnologiya va moliyaviy-texnik hamkorlikni jiddiy faollashtirishga alohida ahamiyat qaratilmoqda.
Biz O’zbekiston kompaniyalari bilan mavjud iqtisodiy aloqalarimizni va istiqbolli o’zaro manfaatli munosabatlarni Ukrainada amalga oshirilgan dunyo andozalariga mos yangi texnologiya ishlanmalari asosida kengaytirishdan manfaatdormiz.
“Jahon” AA, Kiyev