Ўзбекистон - АҚШ ҳамкорлиги масалалари муҳокама қилинди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Бош вазири ўринбосари - инвестициялар ва ташқи савдо вазири Сардор Умурзоқов Америка Қўшма Штатларининг мамлакатимиздаги Фавқулодда ва мухтор элчиси Дэниэль Розенблюм билан учрашув ўтказди.
Бу ҳақда вазирлик матбуот хизмати хабар берди.
Учрашувда инвестиция ва савдо соҳаларидаги ҳамкорликни мустаҳкамлаш, минтақавий аҳамиятга молик қўшма ташаббусларни амалга ошириш доирасида ҳамкорликни кучайтириш орқали икки мамлакат ўртасидаги иқтисодий шерикликни мустаҳкамлаш имкониятлари муҳокама қилинди.
Америка компанияларининг Ўзбекистондаги фаолияти билан боғлиқ жорий масалалар ва республикада инвестиция лойиҳаларини амалга ошириш учун йирик саноат гуруҳлари ва трансмиллий холдингларни жалб этиш бўйича ҳамкорликни янада кенгайтиришнинг истиқболли механизмлари алоҳида кўриб чиқилди.
Шу нуқтаи назардан, томонлар инвестициявий ҳамкорлик салоҳияти юқорилигини таъкидлаб, сифатли лойиҳа таклифларини ишлаб чиқиш мақсадида АҚШ савдо ва тараққиёт агентлиги (USTDA) ҳамда Ўзбекистон Республикаси Инвестициялар ва ташқи савдо вазирлиги ҳузуридаги Инвестиция лойиҳаларини ишлаб чиқиш маркази ўртасида яқин алоқалар ўрнатишга келишиб олдилар.
Марказий Осиё ва Афғонистон мамлакатларининг иқтисодий ва инфратузилмавий ўзаро боғлиқлигини мустаҳкамлаш мақсадида Ўзбекистон ва АҚШнинг минтақавий ҳамкорликнинг кун тартибидаги долзарб масалаларни ҳал этишдаги ёндашувлари бир хил экани қайд этилди. Томонлар “C5+1” платформаси доирасида ҳамкорликда эришилган ютуқларни ижобий баҳолаб, “C5+1” Иқтисодий ишчи гуруҳининг бўлажак йиғилиши кун тартибидаги муайян масалаларни муҳокама қилдилар. Йиғилишдан кўзланган мақсад минтақа мамлакатлари иқтисодий ҳамкорлигини мустаҳкамлаш бўйича амалий таклифлар ишлаб чиқишдир.
Шу йил октябрь ойида АҚШ ва Марказий Осиё ўртасида савдо ва инвестиция бўйича доиравий Битимнинг (TIFA) виртуал ялпи мажлисини ўтказишнинг режалари кўриб чиқилди. Битим – божхона-тариф жиҳатдан тартибга солиш, стандартлаштириш, санитария ва фитосанитария назорати, интеллектуал мулкни ҳимоя қилиш ва электрон тижоратни ривожлантириш бўйича аниқ келишувларга эришиш учун самарали платформа ҳисобланади.
Шунингдек, АҚШ Халқаро тараққиёт молия корпорацияси (USDFC) билан транспорт ва энергетика инфратузилмасини ривожлантириш ва минтақа давлатлари ўртасидаги иқтисодий алоқаларни мустаҳкамлашга қаратилган минтақавий аҳамиятга эга лойиҳаларни биргаликда молиялаштиришни жадаллаштириш имкониятлари устида иш олиб борилди.
АҚШ ҳукуматига Халқаро тараққиёт агентлиги (USAID) томонидан коронавирус пандемияси тарқалишига қарши курашишда ўпкани сунъий шамоллатиш ускуналари (СШУ), ҳимоя аксессуарлари ҳамда лаборатория ва тиббий материалларни Ўзбекистонга жўнатиш шаклида кўрсатилган инсонпарварлик ёрдами учун алоҳида миннатдорлик билдирилди.
Учрашув якунида томонлар муҳокама этилган соҳаларда келгусидаги ҳамкорликка содиқлигини таъкидладилар ҳамда ўзаро манфаатли шерикликни кенгайтириш имкониятларини ўрганишга тайёр эканликларини билдирдилар.
ЎзА
