Ўзбекистон Президенти Малайзия Бош вазирининг ўринбосарини қабул қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Президент Шавкат Мирзиёев бугун Малайзия Бош вазирининг ўринбосари, энергетик ўтиш ва сув ресурсларини трансформация қилиш вазири Фадиллоҳ бин Юсуф бошчилигидаги делегацияни қабул қилди, деб хабар бермоқда "Дунё" АА мухбири.
Давлатимиз раҳбари матбуот хизмати маълумотига кўра, Малайзиянинг нуфузли делегацияси икки томонлама музокаралар ўтказиш ҳамда Самарқанд шаҳридаги Бирлашган Миллатлар Ташкилотининг Давлат хизмати бўйича форумида иштирок этиш учун расмий ташриф билан мамлакатимизда бўлиб турибди.
Учрашув аввалида Фадиллоҳ бин Юсуф давлатимиз раҳбарига Бош вазир Анвар Иброҳимнинг саломи ва энг эзгу тилакларини етказди.
Ўзбекистон-Малайзия кўп қиррали муносабатларини жорий йил февраль ойида Куала-Лумпурга амалга оширилган олий даражадаги ташрифда эришилган келишувлар доирасида янада кенгайтириш масалалари кўриб чиқилди.
Турли даражалардаги алоқалар, ташрифлар ва алмашинувлар фаоллашгани катта мамнуният билан қайд этилди. Жорий йил бошидан товар айирбошлаш ҳажми 25 фоизга ошди. Қўшма корхоналар сони ва авиақатновлар кўпайди. Эртага икки мамлакат етакчи компаниялари иштирокида бизнес форуми бўлиб ўтади.
Иқтисодий ҳамкорликда мавжуд салоҳиятни рўёбга чиқариш ҳамда савдо, инновациялар, "яшил" энергетика, нефть-газ ва кимё, геология, сув ресурсларини бошқариш, электроника ва яримўтказгичлар саноати, соғлиқни сақлаш, кадрлар тайёрлаш, зиёрат туризмини ривожлантириш ва бошқа устувор йўналишларда кооперация лойиҳаларини фаол илгари суриш муҳимлиги қайд этилди.
