Ўзбекистон Президентининг Олий Мажлис ва мамлакатимиз халқига йўллаган Мурожаатномаси Италия ОАВ нигоҳида
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Италиянинг «Il Messaggero», «Il Metropolitano» ва «Giornale Diplomatico» газеталари саҳифаларида «Ўзбекистон Президенти парламентга йўллаган Мурожаатномасида жорий йил якунлари ва 2023 йилга мўлжалланган сиёсатни белгилаб берди» сарлавҳали мақола чоп этилди, деб хабар бермоқда «Дунё» АА
Нашрлар томонидан қайд этилишича, Ўзбекистон раҳбари Олий Мажлис ва мамлакат халқига йўллаган Мурожаатномасида 2023 йилни «Инсонга эътибор ва сифатли таълим йили», деб эълон қилишни таклиф этди.
Мазкур мақолаларда иқтисодий соҳада илк бор Ўзбекистон ялпи ички маҳсулоти 80 миллиард доллардан ошиб, 8 миллиард долларлик тўғридан-тўғри хорижий инвестициялар жалб қилингани ҳолда экспорт ҳажми 19 миллиард долларга етгани маълум қилинган. Алоҳида қайд этилганидек, «Мамлакат тарихида биринчи марта 2022 йилда пенсия ва ижтимоий нафақалар истеъмол харажатлари учун яшаш минимумидан паст бўлмаган даражага етди. Агар 2017 йилда атиги 500 минг нафар кам таъминланган оила ижтимоий ёрдам олган бўлса, бугунги кунда уларнинг сони 2 миллиондан ошди. Ажратилган маблағлар ҳажми 7 баробар ошиб, йилига 11 триллион сўмга етди».
Италия босма нашрлари ушбу дастуриламал ҳужжатда конституциявий ислоҳотлар масалаларига алоҳида эътибор қаратилганини ҳам қаламга олар экан, бугунги кунга қадар фуқаролардан Конституцияга ўзгартиш киритиш бўйича 220 мингдан ортиқ таклифлар келиб тушгани ўқувчилар эътиборига ҳавола қилинган.
«Президент Шавкат Мирзиёев Олий Мажлис ва Ўзбекистон халқига Мурожаатномасида 2023 йилда мактаб таълими сифатини ошириш, ўқитувчиларнинг жамиятдаги нуфузини юксалтириш асосий вазифалардан бири бўлишини таъкидлади. Президент мактабларида дунёнинг 130 та давлатида синовдан ўтказилган «A-Level» таълим дастури жорий қилинган. Мактабгача таълим соҳасида ҳам муҳим вазифалар турибди», деб ёзади Италия оммавий ахборот воситалари.
Улар Президент Шавкат Мирзиёев келгуси йилда ҳам соғлом рақобат, хусусий мулк дахлсизлигини, тадбиркорликни қўллаб-қувватловчи эркин бозор механизмларини фаол ҳаётга татбиқ этиш тарафдори эканлигини алоҳида таъкидлагани хусусида тўхталар экан, бу масалалар янги Конституцияда алоҳида ўрин тутиши кераклигини ҳам қайд этган.
Бундан ташқари, 2023 йили Ўзбекистонда ҳудудлар ўртасидаги иқтисодий тенгсизликни камайтириш ва барча туман ҳамда шаҳарларни мутаносиб ривожлантириш бўйича янги ёндошувлар жорий этилиши, улар салоҳиятига кўра бешта тоифага ажратилиши, шунингдек, ҳудудлар уларнинг тоифасига қараб белгиланиши ва иқтисодиётни ривожлантиришнинг йўналишлари белгилаб қўйилиши ҳам италиялик ўқувчилар эътиборига ҳавола қилинган.
«Президент 2023 йил ислоҳотларни амалга оширишда бурилиш даври бўлишига ишонч билдирмоқда. Сўнгги йилларда эришилган иқтисодий муваффақиятлар ҳақиқий фаровон давлатни шакллантиришга ўтиш учун бюджетда етарли маблағ жамғариш имконини берди», деб ёзади Италия ОАВ.
«Дунё» АА
