Ўзбекистон Президентининг Словенияга бўлиб ўтган ташрифи Италия ОАВ диққат марказида
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Италиянинг "Giornale Diplomatico" газетасида, "Agenzia Nova", "Italpress" ва "Arena Digitale" каби электрон нашрларида Ўзбекистон Президентининг Словенияга расмий ташрифига бағишланган мақолалар эълон қилинди, деб хабар қилмоқда "Дунё" АА мухбири.
"Ўзбекистон ва Словения ўртасидаги иқтисодий ва дипломатик муносабатлар Марказий Осиё мамлакатининг Европа Иттифоқига интеграциялашув жараёнига алоҳида эътибор қаратган ҳолда мустаҳкамлаш – 22 май куни Любляна шаҳрида Ўзбекистон Президенти Шавкат Мирзиёев ва Словения Бош вазири Роберт Голоб ўртасида бўлиб ўтган икки томонлама учрашувда муҳокама қилинди, – дейилган мақолаларда. – Кейинги йилларда Ўзбекистон ва Словения ўртасидаги дипломатик муносабатлар икки давлат ўртасидаги динамик ва стратегик шериклик туфайли сезиларли даражада мустаҳкамланди".
Нашрда 2024 йилда Ўзбекистон ва Словения ўртасидаги ташқи савдо ҳажми 173 миллион АҚШ долларига етгани бу кўрсатгич ўтган йилга нисбатан 47 фоизга кўп эканлиги қайд этилган. 2025 йилнинг январидан апрелигача бўлган даврда бу кўрсаткич 137 миллион долларни ташкил этди, бу ўтган йилнинг шу даврига нисбатан 41 фоизга кўпдир. Ўзбекистоннинг Словенияга экспорти 9,2 миллион долларни, Словениядан импорти эса 166 миллион доллардан ошди.
"Учрашувнинг асосий мавзуси, шунингдек, транспорт ва логистика соҳасидаги ҳамкорликни кенгайтириш бўлди. Словения ўзининг стратегик географик жойлашуви туфайли Ўзбекистоннинг Европа бозорларига экспортини оширишда муҳим логистика маркази сифатидаги ролини тасдиқлайди. Шу нуқтаи назардан, 2023 йил февраль ойида имзоланган Иқтисодиёт ва инвестициялар соҳасида ҳамкорлик тўғрисидаги битим Словения капитали иштирокидаги компанияларнинг Ўзбекистонда бўлишини рағбатлантиришга қаратилган муҳим аҳамият касб этмоқда. Мазкур келишув сармояларни кўпайтиришга замин яратиб, қўшма ишлаб чиқариш ва мамлакатимизда илғор технологияларни жорий этишга алоҳида эътибор қаратган муҳим қадам бўлди", – деб таъкидланган материалда.
Италия ОАВ, шунингдек, мамлакатимизнинг Римдаги элчиси Абат Файзуллаевнинг қуйидаги фикрларини иқтибос ўрнида келтирган: "Люблянада бўлиб ўтган учрашув мамлакатимизнинг Европа Иттифоқи билан ҳамкорликни мустаҳкамлаш, уни муҳим савдо шериги сифатида эътироф этиш истагини намоён этади. Ўзбекистоннинг Европа бозорларига қизиқиши ортиб бораётгани, Словения эса ўз навбатида Марказий Осиёдаги иқтисодий ва савдо иштирокини кенгайтиришга интилаётган тарихий бир пайтда, Любляна ва Тошкент ўртасидаги ҳамкорлик ўзаро манфаат келтириши ва икки минтақа ўртасидаги алоқаларни мустаҳкамлаши мумкин бўлган стратегик имкониятдир".
