Ўзбекистон Республикаси Президенти Россия Федерацияси мудофаа вазирини қабул қилди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Президенти Шавкат Мирзиёев 22 май куни мамлакатимизда расмий ташриф билан бўлиб турган Россия Федерацияси мудофаа вазири Сергей Шойгуни қабул қилди.
Давлатимиз раҳбари меҳмонни самимий қутлар экан, Ўзбекистон ва Россия ўртасидаги стратегик шериклик ва иттифоқчилик муносабатлари изчил мустаҳкамланиб бораётгани, шунингдек, амалий ҳамкорлик томонларни қизиқтирган барча йўналишларда жадал суръатлар билан ривожланаётганини чуқур мамнуният билан қайд этди.
Икки мамлакат идоралари, ҳудудлари ва ишбилармон доиралари ўртасидаги алоқалар фаоллашгани, иқтисодиётнинг турли тармоқлари ҳамда ижтимоий соҳада истиқболли кооперация дастурлари ва лойиҳалари амалга оширилаётгани, маданий-гуманитар соҳада самарали ҳамкорлик қилинаётгани алоҳида таъкидланди.
Суҳбат чоғида Ўзбекистон ва Россия ўртасидаги ҳарбий ва ҳарбий-техникавий ҳамкорликни, жумладан, вазирликлараро шерикликни янада кенгайтириш, икки томонлама тадбирлар ўтказиш, профессионал ҳарбий кадрлар тайёрлаш ва бошқа масалалар кўриб чиқилди.
Шунингдек, халқаро сиёсат ва минтақавий аҳамиятга молик долзарб масалалар юзасидан фикр алмашилди.
Мудофаа вазири Сергей Шойгу давлатимиз раҳбарига самимий қабул учун миннатдорлик билдириб, Россия Федерацияси Президенти Владимир Путиннинг саломи ва эзгу тилакларини етказди.
Ўзбекистон Қуролли Кучларини модернизация қилиш ва мудофаа қобилиятини мустаҳкамлаш борасида амалга оширилаётган кенг миқёсли ислоҳотлар қўллаб-қувватланиши билдирилди. Мамлакатимизнинг минтақавий хавфсизлик, барқарорлик ва изчил тараққиётни таъминлашга доир ташаббуслари юқори баҳоланди.
Россия мамлакатларимиз ва халқларимиз фаровонлиги йўлида Ўзбекистон Республикаси билан Россия Федерацияси ўртасидаги кенг кўламли ва ўзаро манфаатли ҳамкорликни янада кенгайтириш ва мустаҳкамлашга тайёр экани қайд этилди.
