Ўзбекистон ташқи ишлар вазири БМТ Бош котибининг ўринбосари билан учрашди
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ташқи ишлар вазири Абдулазиз Камилов “БМТ Глобал аксилтеррор стратегиясини амалга ошириш бўйича қўшма ҳаракатлар режаси доирасида Марказий Осиё давлатлари ўртасидаги минтақавий ҳамкорлик” юқори даражадаги халқаро конференцияда иштирок этиш учун Ўзбекистонга келган БМТ Бош котиби ўринбосари – БМТнинг Терроризмга қарши курашиш бошқармаси раҳбари Владимир Воронков билан учрашди, деб хабар бермоқда «Дунё» АА мухбири.
Ушбу конференция жорий йилнинг 3-4 март кунлари Тошкент шаҳрида бўлиб ўтади.
Ташқи ишлар вазирлиги маълумотига кўра, Ўзбекистон ва БМТ ўртасидаги ҳамкорликнинг бугунги ҳолати ва уни ривожлантириш истиқболлари муҳокама қилинди. Хусусан, мамлакатимиз билан Ташкилотнинг Терроризмга қарши курашиш бошқармаси ўртасидаги ҳамкорликнинг асосий йўналишлари кўриб чиқилди.
Таъкидланганидек, Ўзбекистон сўнгги йилларда БМТнинг терроризм ва экстремизмга қарши курашиш масалалари бўйича ихтисослашган тузилмалари билан фаол ҳамкорлик қилиб келмоқда ва мамлакатимиз бу борадаги асосий универсал ҳуқуқий ҳужжатларнинг иштирокчиси ҳисобланади.
Ўзбекистон томонининг ташаббуси билан БМТ Бош Ассамблеясининг 4 та резолюцияси қабул қилинди. Ўтган йили Ўзбекистон илк бор Инсон ҳуқуқлари бўйича Кенгашга аъзо бўлди, унда мамлакатимиз вакили 2022 йилга раис ўринбосари этиб тайинланди.
Томонлар, шунингдек, Ўзбекистоннинг БМТга аъзо бўлганининг 30 йиллиги (1992 йил 2 март) муносабати билан ўзаро табриклар алмашдилар.
«Дунё» АА
