Ўзбекистон ва АҚШ: одам савдосига ва мажбурий меҳнатга қарши курашиш масалалари диққат марказда
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Олий Мажлиси Сенати Раиси Танзила Норбоева Америка Қўшма Штатларининг Фавқулодда ва мухтор элчиси Даниэль Розенблюм билан онлайн учрашув ўтказди, деб хабар бермоқда «Дунё» АА мухбири.
Олий Мажлис Сенати ахборот хизмати хабарига кўра, суҳбат чоғида томонлар икки мамлакат ўртасидаги ҳамкорлик, жумладан одам савдосига ва мажбурий меҳнатга қарши курашишда шерикликни кенгайтириш юзасидан фикр алмашди.
Шунингдек, мулоқотда икки мамлакат Президентларининг саъй-ҳаракатлари билан Ўзбекистон билан АҚШ ўртасидаги муносабатлар сифат жиҳатидан янги даражага кўтарилгани таъкидланди.
Элчи жаноблари мажбурий меҳнат ва одам савдосига қарши курашиш борасида Ўзбекистонда кўрилаётган улкан ва самарали ишларни мамнуният билан эътироф этди. АҚШ томони мамлакатимизнинг мажбурий меҳнатга қарши курашдаги ютуқларига урғу бериб, Ўзбекистоннинг бу муаммони ҳал этишга қаратган салмоқли саъй-ҳаракатлари минтақа учун янги стандартларни белгилаб беришини ва бу тажриба бошқалар учун намуна эканини таъкидлади. Даниэль Розенблюм АҚШ Давлат департаментининг бу соҳадаги вазиятни янада яхшилашга доир тавсияларини амалга ошириш бўйича Ўзбекистон томонидан кўрилган тезкор чораларни қўллаб-қувватлади.
Элчи жаноблари Олий Мажлис Сенати Раиси Т.Норбоева раҳбарлигидаги Одам савдосига ва мажбурий меҳнатга қарши курашиш миллий комиссиясининг фаолиятини юқори баҳолади. Шунингдек, элчи “Одам савдосига қарши курашиш тўғрисида”ги Ўзбекистон Республикасининг янги Қонуни жаҳон стандартларига тўлиқ мос келишига ва унда меҳнат қилишга мажбурлаганлик учун жиноий жазо назарда тутилганига эътибор қаратди.
Ушбу қонуннинг қабул қилиниши муносабати билан ҳуқуқни муҳофаза қилиш органлари фаолиятини такомиллаштириш, ушбу жараёнга тегишли тузилмалар ва фуқаролик жамияти институтларини жалб қилиш масалалари муҳокама этилди.
Бу йўналишдаги ҳамкорлик доирасини кенгайтириш муҳимлиги қайд этилди. АҚШ элчиси бундай турдаги жиноятларга алоқадор шахсларни суд орқали таъқиб қилиш масалаларида АҚШ Ўзбекистон ҳуқуқни муҳофаза қилиш органлари билан тажриба алмашишга тайёр эканини билдирди.
Мулоқот иштирокчилари Ўзбекистон фуқароларининг бу масалалардаги ҳуқуқий онги ошганини, бу эса тегишли соҳада кенг кўламли ишлар натижаси бўлганини қайд этди. Парламент назорати кучайтирилгани, ижро этувчи ҳокимият органлари раҳбарларининг жавобгарлиги оширилгани таъкидланди.
Бундан ташқари, томонлар гендер тенглик бўйича лойиҳаларни амалга оширишда ҳамкорлик қилиш, парламентлар ўртасида ўзаро ташрифлар алмашиш, икки мамлакат қонун чиқарувчи органлари ўртасида ҳамкорликни ривожлантиришга қаратилган форумлар ва семинарлар ташкил этиш имкониятларини кўриб чиқди.
«Дунё» АА
