Ўзбекистон ва Туркия инвестициялар ва савдо-иктисодий сохаларда хукуматлараро келишувларни амалга оширишни давом эттиради
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Ўзбекистон Республикаси Бош вазири ўринбосари – инвестициялар ва ташқи савдо вазири С.Умурзаков телеконференц алоқа орқали Туркия Республикаси Вице-президенти Ф.Октай билан ўзаро келишувларнинг амалга оширилиши, икки томонлама кўп қиррали ҳамкорликни янада ривожлантириш, шунингдек пандемиянинг икки мамлакат иқтисодиётига таъсирини бартараф этиш бўйича қўшма ташаббуслар истиқболлари юзасидан долзарб масалаларни муҳокама қилди, деб хабар қилмоқда “Дунё” АА мухбири ИТСВ матбуот хизматига таяниб.
Суҳбат давомида томонлар олий даражадаги ташриф доирасида эришилган келишувларни амалга оширишдаги кўрилаётган чораларга тўхталиб ўтдилар. Ўзбекистонда қўшма ташаббусларни амалга ошириш бўйича алоҳида ҳукумат қарори қабул қилинганлиги ҳамда ташриф доирасида келишилган тадбирлар ва лойиҳаларни амалга ошириш бўйича Туркия ҳукумати томонидан “Йўл харитаси” тасдиқланганлиги бунга далолатдир.
Амалга оширилиши бошлаб юборилган инвестицион ташаббусларни илгари суриш бўйича ўзаро фаол ҳамкорлик давом эттирилади. Шу нуқтаи назардан, коронавирус пандемияси билан боғлиқ вазият барқарорлашиши билан келишилган лойиҳаларни амалга ошириш мақсадида турк компаниялари раҳбарлари ва соҳа мутахассисларининг Ўзбекистонга ташрифларини ташкил этиш имкониятлари муҳокама қилинди.
Ўзаро савдо ҳажмини ошириш бўйича қўшма ҳаракатлар келишиб олинди – ушбу йўналишда Преференциал савдо тўғрисидаги битимни ишлаб чиқиш бўйича ишлар янада фаоллаштирилади. Икки томонлама музокаралар онлайн-сессиялар шаклида ўтказилади, эпидемиологик вазият барқарорлашгандан сўнг масалаларни батафсил муҳокама қилиш ҳамда яқин орада Ўзбекистон ва Туркия ўртасидаги йиллик товар айирбошлаш ҳажмини 5 миллиард долларга етказиш мақсадида идоралараро ўзаро ҳамкорлик аниқ механизмларини ишлаб чиқиш учун икки мамлакат ташқи савдо идоралари раҳбарлари даражасида ишчи ташрифлар ташкил этилади.
Музокара давомида транспорт соҳасидаги ҳамкорлик масалалари ҳам муҳокама қилинди, турк томони ўз ҳудуди орқали ўзбек маҳсулотларининг узлуксиз ва тўсиқсиз транзити учун энг қулай шароитларни яратиш имкониятларини кўриб чиқишини билдирди. Шу мақсадда Туркия чегарасида ўзбек товарларининг тўпланиши ва кечикишининг олдини олишга қаратилган чора-тадбирларни ишлаб чиқиш ва амалга ошириш учун икки давлат транспорт вазирлари даражасида мунтазам маслаҳатлашувлар механизми ишлаб чиқилади.
Бундан ташқари, Ўзбекистоннинг Жаҳон савдо ташкилотига аъзо бўлиши доирасидаги ҳамкорлик йўналишлари муҳокама қилинди. Турк томони ушбу ташаббусни ҳар томонлама қўллаб-қувватлашига ишонч билдирди ва бу борада зарур техник ва маслаҳат ёрдами кўрсатишга тайёрлигини билдирди. Яқин орада икки давлат соҳа мутахассисларининг ўзаро ҳамкорлиги онлайн тизимда бошланади.
Музокара натижасида томонлар мунтазам равишда алоқаларни қўллаб-қувватлаш учун видео ва телеконференциялар ўтказишга, эришилган келишувлар ижросини муҳокама қилишга, шунингдек, ҳамкорликнинг янги йўналишларини ишлаб чиқишга келишиб олди.
dunyo.info
