Birinchi slide Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

“Ўзбекистондан чиққан буюк алломалар Яратганнинг марҳаматидир”

2017 - Xalq bilan muloqot va inson manfaatlari yili 2017 - Xalq bilan muloqot va inson manfaatlari yili O'zbekiston Respublikasi Prezidenti saylovi - 2016 O’zbekiston Respublikasi Prezidenti saylovi - 2016 O'zbekiston Respublikasi Mustaqilligining 26 yilligi O’zbekiston Respublikasi Mustaqilligining 26 yilligi Boshqa yangiliklar va voqealar Boshqa yangiliklar va voqealar Press-relizlar Press-relizlar O`zbеkistоning IHT TIVKga raisligi O`zbеkistоning IHT TIVKga raisligi BMT Mingyillik rivojlanish maqsadlari BMT Mingyillik rivojlanish maqsadlari XMT doirasidagi xamkorlik XMT doirasidagi xamkorlik "Sharq taronalari" xalqaro festivali "Sharq taronalari" xalqaro festivali Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O‘zbekiston Xalqaro Paxta Yarmarkasi O‘zbekiston Xalqaro Paxta Yarmarkasi Sayyohlik Sayyohlik Xalqaro sanoat yarmarkasi va Kooperatsiya birjasi Xalqaro sanoat yarmarkasi va Kooperatsiya birjasi 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni
hamma resurslarni ko'rsatish
“Ўзбекистондан чиққан буюк алломалар Яратганнинг марҳаматидир”

Ўзбекистондаги Ислом цивилизацияси маркази, Имом Бухорий халқаро илмий-тадқиқот маркази ва Халқаро ислом академияси вакилларидан иборат делегация Франция мусулмонлари кенгашида учрашув ўтказди. Суҳбат давомида франциялик мусулмонлар ҳамжамияти раҳбариятига юртимизда диний соҳада амалга оширилаётган кенг кўламли ислоҳотлар, Имом Бухорий, Имом Термизий, Баҳоуддин Нақшбанд, Ибн Сино каби буюк алломаларимиз хоки ётган қадамжоларни обод этиш, илм-маърифат ва одоб-ахлоққа чақирувчи табаррук асарларини таржима қилиш борасидаги ишлар ҳақида маълумот берилди.

Айтиш мумкинки, Франция мусулмонлари кенгаши мамлакатдаги энг йирик мусулмонлар уюшмаси бўлиб, унинг таркибига турк, араб ва Африка мусулмонлари ассоциациялари киради. Кенгаш ҳузурида исломнинг мусаффолигини сақлаш бўйича махсус бўлим фаолият юритади.

Франция мусулмонлари кенгаши аъзоси Абдуллоҳ Зекрий Ўзбекистоннинг ислом цивилизацияси ривожидаги тарихий ўрни ва аҳамиятини юксак баҳолаб, жумладан, қуйидагиларни таъкидлади: “Самарқанд, Бухоро, Хива каби тарихий шаҳарлар бутун мусулмон дунёсининг гавҳари ҳисобланади. Мен кўплаб ўлкаларга саёҳат қилганман, лекин Самарқанддек дурдона шаҳарни кўрмаганман. Бутун дунё мусулмонлари Самарқандга боришни, Имом Бухорий мақбарасини зиёрат қилишни орзу қилади”.

Франция мусулмонлари кенгаши аъзоларининг қайд этишича, Ўзбекистон Президенти ташаббуси билан ташкил этилган Ислом цивилизацияси маркази, Имом Бухорий халқаро илмий-тадқиқот маркази ва Ўзбекистон халқаро ислом академияси каби янги муассасалар муқаддас динимиз номидан турли бузғунчилик ва қўпорувчиликлар содир этилаётган бугунги мураккаб бир даврда нафақат ўзбек халқи, балки бутун дунё мусулмон уммати учун катта фойда келтиради.

“Ўзини мусулмонман деган киши борки, Имом Бухорийни ҳурмат қилади. Демакки, Бухорий юрти бўлмиш Ўзбекистонга юксак эътибор кўрсатади. Имом Бухорий, Имом Термизий, Маҳмуд Замахшарий, Имом Доримий, Баҳоуддин Нақшбанд, Имом Насафий, Абу Лайс Самарқандий, Бурҳониддин Марғиноний каби аллома дарғалар Аллоҳ таолонинг чексиз марҳаматидир”, - деди Комор ва Ғарбий Африка мусулмонлари федерацияси бош котиби Ассоний Фассосий.

Иштирокчилар Ўзбекистонни зиёрат қилиш, буюк алломаларимиз меросига бағишланган халқаро конференцияларда иштирок этиш истагида эканини билдирдилар. Йиғилиш қатнашчиларида Ўзбекистоннинг зиёрат туризми соҳасидаги бой тажрибаси, ушбу йўналишда хорижлик сайёҳларга яратилаётган қулай шароит ва имкониятлар катта таассурот қолдирди.

“Жаҳон” AA