Ўзбекистоннинг пенитенциар хизмати соҳасидаги ислоҳотлари Латвия ОАВ диққат марказида
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Латвиянинг нуфузли «Diena» нашри электрон порталида «Ўзбекистоннинг пенитенциар хизмати ислоҳотлар остонасида» сарлавҳали мақола эълон қилинди, деб хабар бермоқда «Дунё» АА мухбири.
Унда қайд этилишича, сўнгги тўрт йил давомида пенитенциар хизмат соҳасидаги ислоҳотлар доирасида узоқ муддатли, аниқ мақсадга йўналтирилган кенг кўламли ишлар амалга оширилди. Хусусан, маҳбусларнинг ҳуқуқ ва қонуний манфаатлари доирасини янада кенгайтириш, уларнинг ҳаёт кечириш шароитини яхшилашга йўналтирилган учта қонун, Президентнинг 5 та фармони, ҳукуматнинг 8 та қарор ва фармойишлари, 14 та бошқа меъёрий-ҳуқуқий ҳужжатлар қабул қилинди.
“Кейинги йиллар давомида жазо ўташ тизимини такомиллаштириш бўйича қатор чора-тадбирлар кўрилди. Жумладан, маҳбуслар ҳуқуқларига сўзсиз риоя этилиши, уларнинг номуси ва қадр-қимматини ҳурмат қилиш, бу соҳада коррупция кўринишларига барҳам бериш, жазони ўташ муассасаларининг моддий-техник базасини мустаҳкамлаш бўйича мажмуавий тадбирлар амалга оширилди”, - деб ёзади «Diena» нашри.
Шунингдек, мақолада 2019 йил 1 январдан эътиборан Ўзбекистонда Пробация хизмати ва унинг ҳудудий бўлинмалари ташкил этилгани, мазкур хизмат собиқ маҳбуслар ҳамда жазони ўташ муассасаларидан озод этилган вояга етмаганларнинг ижтимоий мослашуви ҳамда уларнинг ишга жойлашишига, шу жумладан, касб тайёргарлиги бўйича турли тадбирларни ташкил этиш йўли билан кўмак кўрсатишга даъват этилгани ҳам ўқувчиларнинг эътиборига ҳавола қилинган.
Ушбу мақолада Ўзбекистон ўзининг инсон ҳуқуқлари ва эркинликлари соҳасидаги халқаро мажбуриятларини бажаришни ташкил этиш тизимини такомиллаштириш, жумладан, қийноқларга ва унинг тарқалишига йўл қўймаслик учун зарур ташкилий-ҳуқуқий шароитларни яратиш бўйича изчил ва босқичма-босқич чора-тадбирларни ҳаётга тадбиқ этаётгани билан боғлиқ барча тафсилотлар қаламга олинган.
/“Дунё” АА/.
