XALQARO ANDOZALAR ASOSIDA

Standartlashtirish, metrologiya, sertifikatlashtirish, sifatni boshqarish tizimi bo’yicha xalqaro andozalarni qo’llash asosida mahsulotlar sifati va raqobatdoshligini oshirish “O’zstandart” agentligi faoliyatida muhim o’rin tutadi. Ushbu omillarning hayotga samarali tatbiq etilishi natijasida dunyo bozorida mamlakatimizda tayyorlanayotgan mahsulotlarga bo’lgan talab tobora ortib borayotir.

Bu haqda Milliy matbuot markazida “Davlat hokimiyati va boshqaruvi organlari -faoliyatining ochiqligi to’g’risida”gi Qonun ijrosi bo’yicha agentlik tomonidan amalga oshirilayotgan ishlar hamda soha istiqbollariga bag’ishlab o’tkazilgan anjumanda so’z yuritildi.

Ta’kidlanganidek, agentlikda tadbirkorlik sub’yektlariga qulaylik yaratish, fuqarolar murojaatlari bilan bevosita ishlash maqsadida 13 turdagi interaktiv xizmat, jumladan, Yagona interaktiv davlat xizmatlari portali orqali o’lchash -vositalarini qiyoslash uchun ariza qabul qilish, standart namunalarini, o’lchashlarni bajarish uslubiyotlarini metrologik attestatsiya qilish va boshqa turdagi xizmatlar yo’lga qo’yildi.

So’nggi oylarda ushbu xizmatlar orqali birgina Metrologiya xizmatlari ko’rsatish markaziga 73 ta yozma va og’zaki murojaat kelib tushgan bo’lib, ularning barchasi ijobiy hal qilingan.

Anjumanda poytaxtimizning Bektemir, Yunusobod, Chilonzor tumanlari hamda viloyatlarning chekka tumanlarida Metrologiya xizmatlari ko’rsatish markazi filiallari hamda 15 ta mobil ko’chma laboratoriya faoliyat yuritayotgani gaz, suv va elektr energiya hisoblagichlarini qiyoslashda aholiga qo’shimcha qulaylik yaratayotgani, standartlashtirish sohasidagi tegishli me’yoriy hujjatlarga o’zgartishlar kiritilishi -tufayli hujjatlarni ekspertizadan o’tkazish muddatlari 15 kundan

10 kungacha, ro’yxatdan o’tkazish esa uch kunga qisqargani qayd etildi. Tadbirda joriy yilda amalga oshirilishi rejalashtirilayotgan ishlar haqida ham batafsil ma’lumotlar berildi.

"XALQ SO’ZI" GAZETASI