Birinchi slide После первого Ikkinchi slide Uchinchi slide To'rtinchi slide Beshinchi slide Oltinchi slide Ettinchi slide Sakkizinchi slide
Bosh sahifa Doimiy vakolatxona Xalqaro tashkilotlar bilan hamkorlik Yangiliklar/tadbirlar O’zbekiston haqida Galereya

Xitoyning “Psearcher” nashri Xalqaro maqom san’ati anjumani haqida

SHAVKAT MIRZIYOYEV Inson qadrini ulug‘lash va faol mahalla yili Inson qadrini ulug‘lash va faol mahalla yili O‘zbekiston Respublikasi Prezidentining qarori O‘zbekiston Respublikasi Prezidentining qarori O’zbekistonning Investitsion Salohiyat Uchrashuvlar Uchrashuvlar XMT doirasidagi xamkorlik XMT doirasidagi xamkorlik BMT Mingyillik rivojlanish maqsadlari BMT Mingyillik rivojlanish maqsadlari Press-relizlar Press-relizlar Vakolatxona yangiliklari Vakolatxona yangiliklari Rivojlantirish bo‘yicha harakatlar strategiyasi Rivojlantirish bo‘yicha harakatlar strategiyasi O'zbekiston Respublikasi Mustaqillik kuni O’zbekiston Respublikasi Mustaqillik kuni Inson huquqlari bo'yicha O'zbekistonning inson huquq kengashiga nomzod Inson huquqlari bo’yicha O’zbekistonning inson huquq kengashiga nomzod Sayyohlik Sayyohlik 8-Dekabr O'zbekiston Respublikasi Konstitutsiyasi kuni 8-Dekabr O’zbekiston Respublikasi Konstitutsiyasi kuni O'zbekiston matbuoti daydjestlari O’zbekiston matbuoti daydjestlari 2022 — 2026 ЎЗБЕКИСТОН СТРАТЕГИЯСИ ТЎҒРИСИДА 2022 — 2026 ЎЗБЕКИСТОН СТРАТЕГИЯСИ ТЎҒРИСИДА Конституциявий ислоҳотлар Конституциявий ислоҳотлар Boshqa yangiliklar va voqealar Boshqa yangiliklar va voqealar
hamma resurslarni ko'rsatish
Xitoyning “Psearcher” nashri Xalqaro maqom san'ati anjumani haqida

Yaqinda Xitoydagi “Psearcher” noshirlik kompaniyasining veb-sahifasida “Shahrisabz Xalqaro maqom san’ati anjumaniga chorlaydi” sarlavhali maqola xitoy tilida e’lon qilindi.

Nashr joriy yil 6 – 10 sentabr kunlari O‘zbekistonda bo‘lib o‘tadigan Xalqaro maqom san’ati anjumani haqidagi ma’lumotlarni o‘z o‘quvchilarining e’tiboriga havola etar ekan, ko‘hna va hamisha navqiron Samarqand shahri janubidan 80 kilometr masofada joylashgan ko‘hna Shahrisabz shahri ushbu xalqaro madaniy tadbir o‘tkaziladigan maskan sifatida belgilanganini ma’lum qilgan.

“Shahrisabz mamlakatning eng rangin, go‘zal go‘shalaridan biri hisoblanadi. Zamonaviy shaharning chor atrofiga nazar tashlar ekansiz, Shahrisabz 2700 yoshda ekanligiga, u Markaziy Osiyo mintaqasi tarixida salmoqli o‘rin tutganiga ishonish qiyinligini his etasiz. Qadimda Shahrisabz ko‘hna So‘g‘d davlatining poytaxti bo‘lib, Kesh deb atalgan. U madaniyat, savdo va hunarmandchilikning mashhur markazi bo‘lgan”, deb yozadi nashr.

“Psearcher” buyuk sohibqiron Amir Temur bu shaharga yaqin bo‘lgan Xo‘ja Ilg‘or qishlog‘ida tavallud topgani haqida to‘xtalar ekan, u hukmdor bo‘lganidan so‘ng Shahrisabzni o‘z qarorgohiga aylantirgani va Oq saroy deb atalmish ajoyib saroy qurishga amr qilganini qalamga olgan. Qadimgi Kesh hozirgi paytda Shahrisabz, deb atalishi va bu fors tilida “Yashil shahar” ma’nosini anglatishi ham xitoylik o‘quvchilarga ma’lum qilingan.

Shuningdek, bu ko‘hna shahar markazi, uning bag‘rida joylashgan qator tarixiy me’moriy obidalar YuNYeSKOning Jahon madaniy merosi ro‘yxatidan joy olgani ham maqolada alohida ta’kidlangan. “Siz bu yerda ko‘hna Oq saroy maydonidan tashqari Dorut Tilovat majmuasi, Ko‘k gumbaz masjidi, Dorus Saodat maqbarasi va boshqa qator tarixiy qadamjolar bilan tanishishingiz mumkin”, deb yozadi nashr.

O‘z-o‘zidan ayonki, maqolada asosiy e’tibor Xalqaro maqom san’ati anjumani haqidagi ma’lumotlarga qaratilgan.

Unda mazkur xalqaro madaniy forum O‘zbekiston Respublikasi Prezidenti Shavkat Mirziyoyevning tashabbusi bilan o‘zbek maqomi hamda boshqa xalqlarning turdosh va nomdosh musiqa janrlarini qamrab olish, ular bilan yaqindan ilmiy va ijodiy muloqotlar va hamkorlik qilish, madaniy-ma’naviy munosabatlarni xalqaro miqyosda kengaytirish maqsadida tashkil etilayotgani alohida ta’kidlanadi.

Shu bilan birga, maqolada maqom san’ati Buyuk Ipak yo‘li bo‘yida joylashgan mamlakatlarda betakror mumtoz san’at yo‘nalishi sifatida qadrlanishi, Shashmaqom musiqasi " YuNYeSKO tomonidan "Insoniyatning nomoddiy madaniy merosi durdonasi" deb tan olingani va 2008 yildan boshlab YuNYeSKOning Reprezentativ ro‘yxatiga kiritilgani ham qayd etiladi.

Yuqoridagilardan tashqari, ushbu xalqaro anjuman doirasida jahon va O‘zbekiston maqomot san’ati ustalarining konsertlari, maqom ansambllari, xonanda va sozandalarning ko‘rik-tanlovi va boshqa tadbirlar, shuningdek, “Maqom musiqa san’ati va uning jahon sivilizatsiyasida tutgan o‘rni” mavzusiga bag‘ishlangan ilmiy-amaliy konferensiya bo‘lib o‘tishi ham ko‘p sonli xitoylik o‘quvchilarning e’tiboriga havola qilingan.

“Dunyo” AA