YANGI BINOLARDA ZAMONAVIY SHAROIT
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Vatanimiz mustaqilligining yigirma besh yilligi arafasida Samarqand viloyati Pastdarg‘om tumanida fuqarolik holati dalolatnomalarini yozish bo‘limi va davlat notarial idorasining yangi binosi foydalanishga topshirildi.
Shu munosabat bilan o‘tkazilgan tadbirda Prezidentimiz rahnamoligida aholiga yuqori sifatli yuridik xizmat ko‘rsatilishini ta’minlash, jamiyatda oila institutining o‘rni va rolini yanada mustahkamlash, yosh oilalarni har tomonlama qo‘llab-quvvatlash borasida keng ko‘lamli ishlar amalga oshirilayotgani ta’kidlandi. Ushbu jarayonda fuqarolik holati dalolatnomalarini yozish bo‘limlari hamda notarial idoralar moddiy-texnik bazasini mustahkamlash, ular faoliyatini yanada takomillashtirishga alohida e’tibor qaratilmoqda.
– Pastdarg‘om tumanining Go‘zalkent qo‘rg‘onida joylashgan 2-fuqarolik holati dalolatnomalarini yozish bo‘limi va 4-davlat notarial idorasi uchun bunyod etilgan mazkur binoda nikohni qayd etish hamda boshqa yuridik xizmatlar ko‘rsatish uchun barcha sharoit yaratilgan, – deydi Samarqand viloyati adliya boshqarmasi boshlig‘i o‘rinbosari Otabek Toshniyozov. – Bu yerda xodimlar uchun alohida xonalar, marosimlar o‘tkazish zali, hujjatlarni saqlash uchun maxsus xona tashkil etilgan. Aholining vaqtini tejash va ularga qulaylik yaratish maqsadida xizmat ko‘rsatishda zamonaviy axborot texnologiyalaridan keng foydalaniladi.
Shu kuni yangi binoda tumanning Ilm mahallasida yashovchi Abror Ibrohimov va Dildora Narzullayevaning nikohi qayd etildi, ularga nikoh guvohnomasi bilan birga esdalik sovg‘alari topshirildi.
– Yangi binoda nikohdan o‘tgan birinchi oila ekanimizdan xursandmiz, – deydi A.Ibrohimov. – Oila sari ilk qadamimiz ushbu muhtasham, ko‘rkam binodan boshlanishi turmushimizning ham chiroyli bo‘lishidan dalolat beradi. Ushbu bino mustaqillik bayrami arafasida ajoyib tuhfa bo‘ldi.
Eng ulug‘, eng aziz bayramimiz arafasida 630 million so‘mdan ortiq mablag‘ sarflanib, bunyod etilgan Samarqand shahridagi 2-davlat notarial idorasi yangi binosi ham foydalanishga topshirildi.
O’zA