YANGI TAHRIRDAGI BOJXONA KODEKSI IMKONIYATLARI
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Samarqandda O‘zbekiston Respublikasining yangi tahrirdagi Bojxona kodeksini targ‘ib qilish va amaliyotda qo‘llashga bag‘ishlangan seminar bo‘lib o‘tdi.
Samarqand viloyati bojxona boshqarmasi tomonidan tashkil etilgan tadbirda prokuratura, adliya, savdo-sanoat palatasi xodimlari, bojxona brokerlari, tashqi iqtisodiy faoliyat ishtirokchilari qatnashdi.
Viloyat bojxona boshqarmasi boshlig‘i vazifasini bajaruvchi E.Solihov va boshqalar yangi tahrirdagi Bojxona kodeksi sohaga oid qonunosti hujjatlarining soni va doirasini qisqartirish, qonun normalarining sifatli bo‘lishiga erishish, ularni hayotga tatbiq etishning ishonchli mexanizmlarini yaratish imkoniyatini berganini ta’kidladi. Yangi tahrirdagi Bojxona kodeksi qabul qilinishi munosabati bilan bojxona sohasiga oid 1,3 mingdan ortiq normativ-huquqiy hujjat inventarizatsiyadan o‘tkazilib, qayta o‘rganib chiqildi. Natijada yigirmadan ortiq hujjatga tegishli o‘zgartishlar kiritildi, ba’zilari esa o‘z kuchini yo‘qotdi.
Kiritilgan o‘zgartishlar tashqi iqtisodiy faoliyat ishtirokchilari uchun eksport-import bilan bog‘liq jarayonlarni yanada osonlashtirdi. Ichki bozorni sifatsiz va kontrabanda mahsulotlardan himoya qilish, xo‘jalik yurituvchi subyektlar, mamlakatimiz ishlab chiqaruvchilari, jumladan, kichik biznes va xususiy tadbirkorlik vakillarining jahon bozoriga chiqishi uchun qo‘shimcha qulay tashkiliy-huquqiy sharoitlar yaratdi.
– Boshqarma xodimlari tomonidan yangi tahrirdagi Bojxona kodeksi talablari asosida qisqa muddatda samarali bojxona nazorati va rasmiylashtiruvi ta’minlanmoqda, – deydi Samarqand viloyati bojxona boshqarmasi huquqiy xizmat katta inspektori X.Erniyozov. – Buning natijasida viloyat hududidan qishloq xo‘jaligi va boshqa turdagi mahsulotlarni eksport qilish imkoniyati yanada kengaydi. Jumladan, joriy yilning sakkiz oyida 70 million 377 ming dollarga teng qishloq xo‘jalik mahsulotlari eksport qilindi.
Seminarda ishtirokchilar o‘zlarini qiziqtirgan savollarga mutaxassislardan atroflicha javob oldi.
O’zA