Yaponiyada BMT Bosh Assambleyasining Markaziy Osiyo bo‘yicha rezolyutsiyasi haqida
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston tashabbusi bilan qabul qilingan BMT Bosh Assambleyasining “Markaziy Osiyo mintaqasida tinchlik, barqarorlik va izchil taraqqiyotni ta’minlash bo‘yicha mintaqaviy va xalqaro hamkorlikni mustahkamlash” rezolyutsiyasi xorijiy mamlakatlar ekspert doiralari vakillari orasida katta qiziqish uyg‘otdi.
Markaziy Osiyo va Kavkaz tadqiqot institutining (Yaponiya) ijrochi direktori Tetsuji Tanaka shunday dedi:
– O‘zbekiston Markaziy Osiyoda o‘zaro ishonchni yanada mustahkamlash tarafdoridir. Prezident Shavkat Mirziyoyevning tashqi siyosatda erishgan yutuqlari orasida mintaqa davlatlari bilan yaxshi qo‘shnichilik aloqalari o‘rnatilishi va mamlakat xalqaro obro‘sining oshirilishi bo‘ldi.
2017 yil noyabr oyida bo‘lib o‘tgan Samarqand konferensiyasida ishtirok etgandim. Bu tadbirda Shavkat Mirziyoyev yaxshi qo‘shnichilik va o‘zaro manfaatli hamkorlik tamoyillari asosida Markaziy Osiyo davlatlari savdo-iqtisodiy, transport-kommunikatsiya, madaniy-gumanitar sohalarda hamda xavfsizlik va barqarorlik masalalarida o‘z salohiyatlarini samarali amalga oshirish imkoniyatiga ega ekanliklarini ta’kidlagan edi.
Shubhasiz, BMT Bosh Assambleyasining Markaziy Osiyoda tinchlik, barqarorlik va izchil taraqqiyotni ta’minlash bo‘yicha mintaqaviy va xalqaro hamkorlikni mustahkamlash borasidagi rezolyutsiyasi sa’y-harakatlarni birlashtirishga, shuningdek, barcha sohalarda ikki tomonlama va mintaqaviy hamkorlikni rivojlantirishga xizmat qiladi.
Tokiodagi Sharqiy Osiyo Strategik markazi eksperti Kiyomitsu Takagi:
– O‘zbekistonning jur’atli amaliy sa’y-harakatlar bilan quvvatlangan konstruktiv va tinchdik sari eltuvchi tashqi siyosiy tashabbuslari xalqaro maydonda jiddiy qiziqish uyg‘otmoqda. Toshkentning faol tashqi siyosati Markaziy Osiyoda yaxshi qo‘shnichilik munosabatlarining va mintaqaviy hamkorlikning yangi bosqichi boshlanishiga olib keldi.
Mintaqadagi so‘nggi yirik ijobiy o‘zgarishlarning xalqaro darajada e’tirof etilishining muhim natijasi o‘laroq BMTning Markaziy Osiyoda izchil taraqqiyotni ta’minlash va xalqaro hamkorlikni mustahkamlash istiqbollari to‘g‘risidagi rezolyutsiyaning qabul qilinishi bo‘ldi. Ushbu hujjat mintaqa mamlakatlari va xalqaro hamjamiyat o‘rtasida siyosat, iqtisodiyot, transport va kommunikatsiya, madaniy-gumanitar sohalarida hamkorlikni rivojlantirish bo‘yicha dolzarb vazifalarni belgilab berdi.
Xavfsizlik masalalarga, xususan, Afg‘onistondagi vaziyatni barqarorlashtirishga alohida e’tibor qaratilgan. Ushbu omil mintaqadagi barcha mamlakatlar xavfsizligini va izchil rivojlanishini ta’minlashda muhim ahamiyatga ega.
«Dunyo» AA