YOSH OILALARGA YANGI UYLAR
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
Poytaxtimizning Mirobod tumanida 32 xonadondan iborat 2 ko‘p qavatli uy bunyod etildi. Ushbu zamonaviy uylar ilm-fan, madaniyat, sport sohalarida erishgan ulkan yutuqlari bilan mamlakatimiz ijtimoiy-iqtisodiy taraqqiyotiga munosib hissa qo‘shayotgan, O‘zbekistonimiz sharafini jahon miqyosida ulug‘layotgan iqtidorli yoshlarga berildi.
Yangi uylarni foydalanishga topshirish marosimida Prezidentimiz Islom Karimov rahnamoligida yosh avlodni har tomonlama qo‘llab-quvvatlashga qaratilayotgan alohida e’tibor yuksak samaralar berayotgani ta’kidlandi. Tadbirda davlat va jamoat tashkilotlari vakillari, otaxon va onaxonlar, “Kamolot” yoshlar ijtimoiy harakati faollari ishtirok etdi.
Davlatimiz rahbarining 2014-yil 6-fevraldagi «O‘zbekiston Respublikasida yoshlarga oid davlat siyosatini amalga oshirishga qaratilgan qo‘shimcha chora-tadbirlar to‘g‘risida»gi qarori bu boradagi ishlarni yangi bosqichda davom ettirishga xizmat qilmoqda. Ushbu hujjatga muvofiq, mamlakatimizning barcha hududlarida jamiyatimiz ijtimoiy hayotida faol qatnashayotgan, izlanuvchan, tashabbuskor yosh oilalar uchun yangi uy-joylar barpo etilib, foydalanishga topshirilmoqda.
2015-yilda poytaxtimizning Sergeli, Uchtepa va Bektemir tumanlarida namunaviy loyiha asosida beshta «Kamolot» uyi bunyod etilib, 160 yosh oilaga topshirildi.
Yangi yilning ilk kunlarida dzyudo bo‘yicha yetti karra O‘zbekiston chempioni, qator xalqaro turnirlar g‘olibi Hamid Otajonov Mirobod tumani Chinor mahallasida barpo etilgan yangi uylardan birining sohibiga aylandi.
– Xalqaro musobaqalarda xorijlik tengdoshlarimning mamlakatimizda biz, yoshlarga yaratilayotgan shart-sharoitlarga havas qilganiga ko‘p guvoh bo‘lganman, – deydi H.Otajonov. – Yoshlarning zamonaviy ta’lim-tarbiya olishi, sport bilan shug‘ullanishi, iste’dod va salohiyatini namoyon etishi yo‘lida amalga oshirilayotgan bunday g‘amxo‘rlik uchun Prezidentimizdan minnatdormiz.
O’zA