YOSHLAR SAYLOV QONUNCHILIGI BILAN TANISHTIRILDI
Inson qadrini ulug‘lash va faol mahalla yili
O‘zbekiston Respublikasi Prezidentining qarori
O’zbekistonning Investitsion Salohiyat
Uchrashuvlar
XMT doirasidagi xamkorlik
BMT Mingyillik rivojlanish maqsadlari
Press-relizlar
Vakolatxona yangiliklari
Rivojlantirish bo‘yicha harakatlar strategiyasi
O’zbekiston Respublikasi Mustaqillik kuni
Inson huquqlari bo’yicha O’zbekistonning inson huquq kengashiga nomzod
Sayyohlik
8-Dekabr O’zbekiston Respublikasi Konstitutsiyasi kuni
O’zbekiston matbuoti daydjestlari
2022 — 2026 ЎЗБЕКИСТОН СТРАТЕГИЯСИ ТЎҒРИСИДА
Конституциявий ислоҳотлар
Boshqa yangiliklar va voqealar
Konsullik va viza masalalari bo’yicha O’zbekiston Respublikasining Berlindagi Elchixonasiga murojaat qilishingizni so’raymiz:
Perleberger Str. 62, 10559 Berlin
Tel.: +49 30 394 098 30/80
Fax: +49 30 394 098 62
botschaft@uzbekistan.de
O’zbekiston TIV ishonch telefoni:
+998 71 233 28 28
O‘zbekiston Respublikasi Prezidenti saylovini o‘tkazuvchi 4-Jizzax saylov okrugi matbuot markazida birinchi marta ovoz beruvchi yosh saylovchilar ishtirokida davra suhbati o‘tkazildi.
Tadbirda okrug saylov komissiyasi a’zolari, Jizzax shahridagi kasb-hunar kollejlari va akademik litseylarning saylovda ishtirok etish huquqiga ega bo‘lgan o‘quvchilari ishtirok etdi.
Joriy yilning 4-dekabrida o‘tkaziladigan O‘zbekiston Respublikasi Prezidenti saylovi mamlakatimiz hayotida muhim siyosiy voqea ekani, har bir fuqaro Konstitutsiyamizda mustahkamlab qo‘yilgan huquqidan foydalanib, o‘z xohish-irodasini erkin ifoda etishi Vatanimiz kelajagi uchun alohida ahamiyatga egaligi ta’kidlandi.
Yosh saylovchilar “O‘zbekiston Respublikasi Prezidenti saylovi to‘g‘risida”gi va “Fuqarolar saylov huquqlarining kafolatlari to‘g‘risida”gi qonunlarning mazmun-mohiyati, fuqarolarning saylov qonunchiligida belgilangan konstitutsiyaviy huquqlari bilan tanishtirildi. Saylov jarayonida fuqarolar o‘z huquqlaridan to‘liq foydalanishi uchun sharoit yaratilishi, tenglik, oshkoralik va adolatlilik tamoyillariga qat’iy amal qilinishiga e’tibor qaratildi.
O‘zbekiston Respublikasi Prezidenti saylovida 4-Jizzax saylov okrugidan 844 ming 309 nafar saylovchi ishtirok etishi kutilmoqda. Tadbirda saylovga tayyorgarlik ko‘rish va uni o‘tkazish borasida okrug saylov komissiyasi, uning matbuot markazi faoliyati, uchastka saylov komissiyalarining asosiy vazifalari xususida ma’lumotlar berildi.
– Men dekabr oyida 18 yoshga to‘laman va o‘z huquqlarimdan foydalangan holda saylovda birinchi marta ishtirok etaman, – deydi Humoyun Tursunboyev. – Mening bu huquqim Konstitutsiyamizning 117-moddasida belgilab qo‘yilgan. Har bir saylovchi bir ovozga ega ekani, ovoz berish huquqi, o‘z xohish-irodasini bildirish tengligi va erkinligi qonun bilan kafolatlanganini bilaman. Bugungi tadbirda saylov qonunchiligi to‘g‘risidagi bilimlarim yanada boyidi. Prezident saylovida eng munosib nomzodga ovoz beraman.
Tadbirda yoshlarni qiziqtirgan savollarga atroflicha javob qaytarildi.
O‘zA
